得龍生哥美食

营业中

休息中

听讲呢间得龙生哥美系有六十年历史既得龙大饭店既后续。唔怪得屋企两老指明要食呢间外卖啦，今日化身成外卖仔送外卖。得龙大饭店系一间粤菜老店，有好多驰名菜式，仲攞过米芝莲推介食府，深得唔少人既喜爱。得龙生哥美食位于新蒲岗康强街，佢门口唔系正街，大家揾佢要留心啲。😂😂呢度外卖小菜，绝不马虎。有8款𩠌拣。影张相比两老拣先，佢地拣左原盅腊味饭同候柱牛腩饭。外卖份量十足，大大碗，腊味超香，个饭吸收哂腊味既香味。而牛腩好腍，又入味，证明炆煮左好耐。另外为食既我，就叫左个咖喱猪皮特大鱼蛋，鱼蛋超大粒，好弹牙，个咖喱好香，好入味。特大鱼蛋令我谂起长洲既大鱼蛋。呢度价钱合理，外卖饭仲跟个汤，抵食。