蛇王芬

营业中

休息中

我喺中環返，每日都會同同事去食lunch，經常都會幫襯蛇王芬呢間中菜館，無論小菜，燒味飯，炒粉麵飯都做得非常出色，另外主打燉湯配燒味飯套餐150元，燉湯配碟頭飯系列 170元。通常每日都會有五款燉湯，非常受歡迎，售完即止。銀芽肉絲炒麵 80元，銀芽肉絲炒到好香口，再將芡油淋上炒麵，入口又脆又軟，肉絲同銀牙令到炒麵更加有口感，加少少秘製嘅辣椒醬增添香味。紅燒斑腩飯 90元，斑腩味道好香，煎到金黃色，入口魚肉味香濃，另外芡汁配上肉絲冬菇，令到班腩嘅鮮味更加突出，食落去啖啖肉，用嚟配飯真係一流。菠蘿咕嚕肉 140元，賣相非常吸睛，咕嚕肉外焦內嫩，加上糖醋汁包住，入口味道酸酸甜甜，食落去特別開胃，好吃而不膩，另外有菠蘿，青椒，紅椒，洋蔥。整體味道非常配搭。咕嚕肉真係太讚。鮑魚燴五蛇羮 ，真材實料，食落去啖啖蛇肉，味道真係好鮮甜，另外配埋檸檬葉薄脆，增添味道層次同口感。好鍾意食佢呢度個蛇羹，味道真係好香好鮮。