恭和堂

营业中

休息中

同朋友仔一齐做完面系呢头落车，想去永安行下有无野买，但系点知乜都买唔到，系永安后门出，就算到恭和堂，还掂无野做，就走入去食个龟苓膏......呢间舖的装修真系十年如一日，小金鱼仲系一条鱼毛时已经系咁，咁多年都无乜点变过，不过我由一条小鱼毛变成咗一条肥金鱼就卡位有点迫.....我叫咗一盅冻龟苓膏嚟食，因为怕苦所以我会加频多糖酱落下(呢度D糖酱好清甜好似仲有少少桂花味添..不过唔肯定啦...)，虽然朋友话你落咁多糖都食唔出龟苓膏D原味啦，HEHEHEHEHE我知，不过我怕苦但系又想食啫，但系朋友仔话食得出好足料(佢食热仲要唔落糖)，好过许X山好多。(我就话佢~咁当然啦，许X山系食甜品咋，边系凉茶舖㖞)因为唔系常常食的关系，所以我唔知到底食龟O糕有乜特别的功效，不过我个人就比较钟意食恭和堂多过其他甚么海X堂呀大X姐呀咁，佢老字号我会相信多D。见佢仲有好多其他种的饮品(甚么紫背天葵)，有机会经过不坊试试。食完比钱仲有一张印花咭比你，储满8个就送1盅比你。