恭和堂

营业中

休息中

雖然話每次經過都會食佢，但對上果次⋯⋯食完牛腩牛丸，辦完年貨，隔離就係佢～恭和堂，就算飽點都要啪一「盅」。二口子座低，阿姐即刻推介，二盅佰一，又ok 喎，一於二盅。真係過咗咁多年，甘甘哋嘅味道此終如一。當年年青時嘅我，成面暗瘡，都係靠佢，當然嘅啲真係因人而異。打開OR 呢開頁面，好多人彈服務，但今日嘅經歷又好唔同，咁當然我唔肯定佢係咪老闆娘，因為當時女友太飽，食唔晒要打包，咁我叫阿姐俾個外賣盒，佢好主動幫我哋打包，過情真係好nice.以上純粹個人意見，絶對不是幫手賣廣告同有任何收益。今次唔出回頭度，純分享經驗。

恭和堂我一直都食開銅鑼灣及旺角分店，基本上兩間的味道、店員服務態度幾好。今晚係油麻地呢間分店係負評我買熱龜苓膏外買，$57位收銀員一條龍，都冇問題既。可是，我發現袋裡俾左糖漿我，我就同位中老年女收銀講，我想要沙糖，因為食開！佢二話不說地係我袋野到強搶走番個糖漿，再給我不悄的眼神，覺得我麻煩，再hea 放兩包沙糖入袋。離譜的事發生了，返到去打開袋發現竟然係兩包咖啡糖，仲要係 Pacific Coffee 既糖，我真係O左咀!!有冇咁離譜，要去用 pacific coffee 既糖，我想問下 pacific coffee 係咪和恭和堂合作lor, 如果唔係合作，即係用特別途徑取得？？？這個行為唔要得！

「恭遵古法龜苓製，和解頑痀氣血調」這是恭和堂多年來的宗旨。恭和堂是香港龜苓膏始創的店舖，早在同治年間，三代為太醫的嚴綺文研製出以金錢龜板及土茯苓等製成的龜苓膏，來治理同治皇帝的花柳病。後來嚴醫師告老還鄉，帶著家人到南方，其兒子於1904年帶著秘方到香港的廟街開設恭和堂行醫及售賣龜苓膏。當時廟街還是一個煙花之地，所以龜苓膏生意越做越好。 其實龜苓膏不是真的可以直接醫治性病，實則能夠解血毒，亦有清熱下火、潤肺養顏等的作用，所以現在龜苓膏成為人們清熱袪濕的佳品💕

我是銅鑼灣店的長期客戶，所以我每次經過其他店也會很自然入店內吃龜苓膏。早幾日經過油麻地店，吃了熱的龜苓膏，味道一如既往的好，苦和甘香的味道恰到好處。但我想說的是店內的職員真的是幫老闆趕客的！那兩個女侍應對我和在座客人的冷漠態度不在話下，我親眼看到她們站在門口的位置面向街對一個中年女人大聲呼喝説：「不買就行開啦！」那女人看上去四五十歲，衣着端莊，正正經經的。她聽到侍應的話後很生氣但沒有跟她們鬧便離開了！我想這店當天最小永遠失去了兩個客人，一個是我！

好古色古香的店舖。客人不多，一坐下，店員就問是不是吃龜苓膏。我今次飲凍龜苓茶。19元一碗，之前買過一樽，要52元。 龜苓茶內有啫喱狀的物體，飲下感覺非常良好，好似熱氣全消。是不會有匙羹提供的。我飲時不感覺有苦味，而且有好多啫喱咬下咬下，不錯。

十一月下旬‧晴其實恭和堂是一個賣涼茶會發達的例子，不過說的不是油麻地店，你去波斯富街店看看就知。適合很多要喝涼茶又懶煲的人，如我。要了碗銀菊露，不太甜，也不太濃郁的菊花味，一般般的。還好要了熱的，喝起來至少很舒服。不過就當水飲，無壞。成十元一碗，不便宜。

傍晚在佐敦訂定枱約齊人食飯還未夠鐘，這時食下午茶又驚食唔落飯，便齊齊去了吳淞街的恭和堂飲杯凉茶坐低吹吹水先。 從閒談中得知兩位朋友看來工作都有點壓力，叫碗廿四味幫消氣下火最適宜；而我則要了一碗夏枯草清熱防炎，夏枯草原汁原味沒下片糖或羅漢果來煲，所以茶汁帶有本身的苦澀味，本來想喝杯凍凉茶，但恭和堂是正宗的涼茶鋪，不向市場妥協沒有供應凍的凉茶。八蚊碗都算係市場平均價，間中飲杯清熱下火都幾好，起碼比汽水、糖漿飲料有益正氣。

店裡面沒有客人"中午"龜苓膏味道還好不苦,色澤偏咖啡色,非暗黑但是售價寫30元結帳卻是48元,真的有出入

同朋友仔一齊做完面係呢頭落車，想去永安行下有無野買，但係點知乜都買唔到，係永安後門出，就算到恭和堂，還掂無野做，就走入去食個龜苓膏......呢間舖的裝修真係十年如一日，小金魚仲係一條魚毛時已經係咁，咁多年都無乜點變過，不過我由一條小魚毛變成咗一條肥金魚就卡位有點迫.....我叫咗一盅凍龜苓膏嚟食，因為怕苦所以我會加頻多糖醬落下(呢度D糖醬好清甜好似仲有少少桂花味添..不過唔肯定啦...)，雖然朋友話你落咁多糖都食唔出龜苓膏D原味啦，HEHEHEHEHE我知，不過我怕苦但係又想食啫，但係朋友仔話食得出好足料(佢食熱仲要唔落糖)，好過許X山好多。(我就話佢~咁當然啦，許X山係食甜品咋，邊係涼茶舖喎)因為唔係常常食的關係，所以我唔知到底食龜O糕有乜特別的功效，不過我個人就比較鐘意食恭和堂多過其他甚麼海X堂呀大X姐呀咁，佢老字號我會相信多D。見佢仲有好多其他種的飲品(甚麼紫背天葵)，有機會經過不坊試試。食完比錢仲有一張印花咭比你，儲滿8個就送1盅比你。

因吃了大量熱氣食物﹐所以來這裡比較有品牌的涼茶鋪喝杯涼茶稍為降火﹐以及做好準備來挑戰更多美食。這裡的二十四味味道比海x堂﹐鴻x堂﹐大x姐﹐第x涼茶較苦﹐不知是否用料比較重手及真才實料﹐因本人到現在還沒有半點熱氣或喉嚨不適感覺。 題外話﹕其店應清潔在門外那長滿綠色青苔的魚缸﹐因對店鋪衛生形像有影響及危害在缸內遊來遊去的魚兒。

d 龜苓膏好好食~好香藥味唔似許x 山果d ~勁薄荷~價錢差唔多~ 我會揀恭和堂唯一唔好就係seat 位腳頂腳