影片
更多
2022-06-20
349 浏览
本身去台湾旅行都唔系特别喜欢好地道台式既食物，但我又几中意台式麻辣火锅因为唔辣得嚟带少少甜既药膳味，感觉好似比四川麻辣冇咁热气。但之前问亲台湾朋友都唔推荐无老锅，本身谂佢哋可能物价低，无老锅主要客群系旅客？可能佢哋觉得贵唔抵食，所以去左几次台湾都冇食过佢。知佢系香港开左见寻日行完铜锣湾6点谂食咩，就同男朋友去试下walkin都有位，咁就试一试啦！之前食过麻神，鼎王，牛大人，相比之下，无老锅既店员都好好服务，好有热诚介绍，系香港食饭系好难得见到店员系有笑容。个汤底同我食过既麻辣锅好唔同，唔难食但又唔好食，一直系咁叫男朋友加高汤，觉得好浓好浓沙嗲定味精？佢既浓唔系辣，但好多油同泡系锅边浮住，可能我都系比较中意食以前系台湾食过马辣同这一锅呢类平民啲既麻辣锅口味，佢哋既滑嘟嘟鸭血真系好入味同出色。佢酱料区只有特调酱油、香油、白醋、蒜泥水、葱花，唔知边一样野系带一阵酸酸地既醋味（冇加白醋），之后问店员拎左普通酱油，但唔知系咪形住连普通酱油都系觉得酸酸地。咁佢哋推介冰淇淋豆腐唔知咩丸啦，见佢哋都好成功每台都有叫到，佢叮嘱要煮15mins我地都有计时，但一入口个口感食落好可怕，入口就散开既丸，可能真
但之前问亲台湾朋友都唔推荐无老锅，本身谂佢哋可能物价低，无老锅主要客群系旅客？可能佢哋觉得贵唔抵食，所以去左几次台湾都冇食过佢。
知佢系香港开左见寻日行完铜锣湾6点谂食咩，就同男朋友去试下walkin都有位，咁就试一试啦！
之前食过麻神，鼎王，牛大人，相比之下，无老锅既店员都好好服务，好有热诚介绍，系香港食饭系好难得见到店员系有笑容。
个汤底同我食过既麻辣锅好唔同，唔难食但又唔好食，一直系咁叫男朋友加高汤，觉得好浓好浓沙嗲定味精？佢既浓唔系辣，但好多油同泡系锅边浮住，可能我都系比较中意食以前系台湾食过马辣同这一锅呢类平民啲既麻辣锅口味，佢哋既滑嘟嘟鸭血真系好入味同出色。
佢酱料区只有特调酱油、香油、白醋、蒜泥水、葱花，唔知边一样野系带一阵酸酸地既醋味（冇加白醋），之后问店员拎左普通酱油，但唔知系咪形住连普通酱油都系觉得酸酸地。
咁佢哋推介冰淇淋豆腐唔知咩丸啦，见佢哋都好成功每台都有叫到，佢叮嘱要煮15mins我地都有计时，但一入口个口感食落好可怕，入口就散开既丸，可能真系太习惯食弹牙实净既丸，只能说台湾人既口味真系好唔同…
另外有叫浓牛肉汁牛丸就正常好多！
另外叫左猪肉鸡髀肉拼盘、鹅肠、鲷鱼片、粟米笋。 少贵但份量都对得住价钱，但对于两人食每碟个份量太多，变左食到既选择会少左啲。但食物都新鲜，肉解冻得足够唔会一块块冰住咁出菜。
鸭血同豆腐都系任加，佢哋既店员都加得好密，只系豆腐太散，鸭血都唔系我期待既味道少少失望。
最后人均低消250其实唔难，价钱都冇话贵过吃到饱果类火锅店好多，只系总括嚟讲都唔会再食下次，因为汤底只有两款而且都唔系我中意既味。
张贴
