牛一 (利舞臺廣場) (已結業)

今晚，一家大细，有老有嫩，一行5人去左位于铜锣湾利舞台17楼嘅牛一。牛一，由佢几年前系铜锣湾广场地库果阵，已经开始帮衬佢。到佢几年前搬左嚟利舞台，再开到成行成市。唯一不变就系.....CP值爆灯！由于今日6:30左右就去到，所以好好彩唔洗等好快就有得入去。环境：暗暗地几好气氛，干净程度亦都算系唔话得。食物：今日叫左鲜茄龙虾汤，丫，唔系，系鲜茄浓虾汤先啱。牛肉，我地就选择左极上美国牛肉（大人178，小朋友长者138）。如果喜欢食和牛，佢地个极上日本和牛真心推介。不过今日有老有嫩关系，怕佢地吃不消，都系叫返极上美国牛肉算。不过唔好睇少佢，啲牛肉唔肥，有纹理，好啱老人家小朋友食。豚肉，我真心另一个推介，厚薄啱啱好，唔肥，打边炉一流。出面自己拎嘅火锅配料有好多，丸类，菜类，面类，豆腐类，重有乳酪蛋糕，汽水啤酒。如果你每一样都拎少少入去试，一定好快就饱。不得不提系佢个日本和牛咖哩加白饭，虽然饱肚，但系我每一次去点都会整一碗细细地食下，试过你就知好野。小朋友最钟意嘅芝士丸同肠仔。90分钟嘅火锅放题，去到最后既15分钟，佢地会温馨提示返你净低15分钟，你可以选择加钟，或者找数。到果阵，食多少少就去拎