影片
更多
2014-06-27
5863 浏览
呢晚我地６３０收工，慢慢行到过去都只系几分钟路程，记得呢间开铺时，佢地果Ｄ咭片、邀请咭都系我地印嘅，但都系第一次入去，原来都几大，行到最入，原来有房㖞，初时我还怕会好嘈添，好彩有房，里面刚好可放２围，可惜嘅系一方系大圆枱，另一边系长枱啰，我当然拣大圆枱啦，食野夹𩠌倾偈都方便Ｄ嘛。有高层同老板打招呼兼招呼我地㖞，好似好熟咁，各职员都好有礼，地方清洁都很唔错，坐得好舒服。等下等下，于 1855 𩠌菜开始陆续上枱，今餐菜单如下：① 例汤：木瓜唐排② 六小碟﹣卤水鹅肾 ($58)、卤水猪颈肉 ($68)、素鹅 ($58)、卤水墨鱼 ($58)、芥末鸡脚筋 ($68)、凉伴爽耳丝 ($68)③ 卤水双拼 ($158)④ 炸紫菜墨鱼卷⑤ 西芹茶树菇炒带子⑥ 卤水豆腐 ($35)⑦ 南乳炆斋 ($55)⑧ 蒸鱼⑨ 阿鸿招牌捞面 ($60)⑩ 鲍片炆鹅掌⑪ 阿鸿炒饭 ($68)⑫ 甜品２款：芋泥酥、煎堆慢慢食又慢慢饮，食下倾下都搞到９点，虽则我对卤水、中菜麻麻，不过呢餐都唔错，虽然各碟份量唔大，又知道价钱都颇贵，但是环境及服务都几好，味道唔错之余，始终食唔舒服都很重要的嘛，呢晚都过得几开心吖，若然坐系
有高层同老板打招呼兼招呼我地㖞，好似好熟咁，各职员都好有礼，地方清洁都很唔错，坐得好舒服。
等下等下，于 1855 𩠌菜开始陆续上枱，今餐菜单如下：① 例汤：木瓜唐排
② 六小碟﹣卤水鹅肾 ($58)、卤水猪颈肉 ($68)、素鹅 ($58)、卤水墨鱼 ($58)、芥末鸡脚筋 ($68)、凉伴爽耳丝 ($68)
③ 卤水双拼 ($158)
④ 炸紫菜墨鱼卷
⑤ 西芹茶树菇炒带子
⑥ 卤水豆腐 ($35)
⑦ 南乳炆斋 ($55)
⑧ 蒸鱼
⑨ 阿鸿招牌捞面 ($60)
⑩ 鲍片炆鹅掌
⑪ 阿鸿炒饭 ($68)
⑫ 甜品２款：芋泥酥、煎堆
慢慢食又慢慢饮，食下倾下都搞到９点，虽则我对卤水、中菜麻麻，不过呢餐都唔错，虽然各碟份量唔大，又知道价钱都颇贵，但是环境及服务都几好，味道唔错之余，始终食唔舒服都很重要的嘛，呢晚都过得几开心吖，若然坐系隔离果围可以近Ｄ同样系圆枱就更好lu..！！
六小碟：
卤水鹅肾﹣厚度适中，好入味又唔韧唔腻，正！
卤水猪颈肉﹣同其他产品一样好入味，也唔会太肥。
素鹅﹣有好很多层，豆皮吸饱了卤水汁，其实真系好彩卤水汁好味，但是太吸汁了，有Ｄ腻。
卤水墨鱼﹣唔韧弹牙，但唔入味，一般。
芥末鸡脚筋﹣好少食到鸡脚筋，呢个系鸡脚的后蹄部份，没有骨头，一口一啖，好爽口，口感几好，又不会过辣，食完想再食，正！
凉伴爽耳丝﹣即系猪耳，口感几好，有麻油香，ＯＫ啦。
木瓜唐排例汤﹣有一大窝，足够两围分享有余，本身我唔爱汤水，但都饮左一大碗，汤料丰富，有木瓜、淡菜、排骨等等，火候十足味道浓郁，有屋企煲嘅味道㖞。
炸紫菜墨鱼卷﹣炸得几靓仔，唔油腻，墨鱼尚弹牙，里面夹住蛋、惹及红萝卜，几好食。
卤水双拼：卤水鹅片(起片)卤水鹅(斩件有骨)﹣鹅肉爽口弹牙又嫩滑，睇落好肥，食落刚好不肥不干，脂肪比例ＯＫ，鹅皮甘香丰腴，配合味浓的卤水食，几好！
西芹茶树菇炒带子﹣唔知系咪老板叫先有呢款产品出现，因为感到同呢间野好唔拉间咁！？顾名思义材料有西芹、茶树菇、心型红萝卜及带子，西芹爽口，茶树菇有咬口、红萝卜都系咁啦，带子细粒厚身，冇乜味，可能玻璃汁杰了点，感觉油油地。
卤水豆腐﹣豆腐个样都几靓仔几厚，都几嫩滑，各同事都一致赞好。
南乳炆斋﹣呢个家常菜系呢到几都出名，好似个个食客都要点咁，材料有冬菇、津白、云耳、粉丝、雪耳、支竹、豆卜、白果等等，南乳好惹味又唔会过咸，睇落好普通嘅一碟斋，但又真系几好食。
蒸鱼﹣仲唔系因为我地做团年饭先出现嘅？？虽然我食完都唔知系乜野鱼，不过鱼肉好嫩滑，汁都调得好味，估佢唔到㖞。
阿鸿招牌捞面﹣份量细碟且好贵的捞面，材料有幼面、银芽、虾米、葱、芝麻，用XO酱炒，炒面炒得干身香口，有镬气嘅，都唔会得个辣字，不过唔明点解叫"招牌"？ＯＫ啦。
鲍片炆鹅掌﹣鹅掌卤到骨肉分离，有入口即化的口感，也唔会死咸，唔错；薄薄的鲍片唔韧都系咁喇。
阿鸿炒饭﹣同炒面一样用招牌XO酱炒，材料有鹅肉粒、唐芹粒、菜粒、樱花虾和蛋，饭炒得很干身唔油腻，鹅肉粒都几丰富，加埋菜粒增爽口口感，几好食吖！
甜品１﹣一个个布满芝麻的煎堆，一个个上碟都仲热热的，里面系红豆茸，不过都几甜。甜品２﹣呢个炸芋泥香脆唔油唔甜比较受欢迎㖞，都算系一致赞好喇。
张贴
