上海一品香菜館

营业中

休息中

餐厅走嘅路线系平民上海菜味道，喺观塘已经屹立咗好多年，不奢华不浮夸，朴实，讲求真材实料，平民化但深入民心先就可以吸引客人一食再食。帮衬左呢一间上海菜起码都有三、四次，每次来入座率都有九成满，好好生意。每次必叫嘅有两样：南翔小笼包同埋炸银丝卷。热辣辣嘅小笼包，肉馅多汁，鄙皮薄适中，而且十分抵食，$48八粒。炸银丝卷（$20）：外皮被油炸完十分香脆，内馅冇味道好似馒头一样，但系卷起一条条，配上炼奶超级好食！甜甜外脆内软集合于一身，食完都唔会有罪恶咁。新尝试：熏鱼担担面 （$51）熏鱼甜甜脆脆，个人觉得有点甜。而担担面缺少花生味，唔够香，汤底唔够浓郁。西兰花鲜鱿 （$87）西兰花煮得过左火候，略为‘淋’。而鲜鱿较为软身，味道不会很咸。整到菜中规中矩，无惊喜。总括，虽然观塘老店，但老上海味道我会继续帮衬。