釧

营业中

休息中

钏Kushiro位于近百年历史嘅半岛酒店内，系一间主打Omakase嘅高级日式料理店，对客人嘅衣著亦有要求！是晚有幸由日藉行政总厨山口San主理，整晚用餐经验良好，系约会嘅必然之选！炙烧过嘅北海道带子，配上静冈水果蕃茄，下面系冲绳水云同埋顺菜，集甜酸清爽于一身，好开胃！面层系纽西兰嘅螯虾刺身切粒、中层系水果蕃茄啫喱、底层系龙虾汤奶冻，加埋Royal Crystal Caviar同埋金箔，䀆显奢华！采用鹿儿岛嘅鳗鱼，以梅子酱烤至皮脆肉嫩，perfect！亦都可加少少辛口嘅黄金柚子胡椒，增添风味！来到寿司环节，赤醋饭调味及软硬均适中！山口San嘅握功强劲，两三下手势就搞掂！而山口San亦喜欢以青柠轻点食材，为食材增添了一点橘子类嘅清香同埋甘甜！间八爽身而且鱼油充足，口感一流！石坦贝一拍即收缩，扯到高一高，爽口鲜甜！深海池鱼加咗少少乌鱼子粉，增加咗咸香嘅味道！赤身嘅酸味怡人，口感柔软，鱼味香郁！炙烧烟熏鲣鱼配日本宝塔花酱，以一条粟米苗作点缀！鲣鱼软身带稻草嘅烟熏香气，鲜味足！季初嘅秋刀鱼唔算肥，鱼肉反而更见弹性，唔错！香煎过嘅法国野生多宝鱼，以柠檬海苔酱带出鲜味，再洒上紫菜粉，鲜味得到升华！