蛇王二 (已結業)

是日系铜锣湾揾食，但呢区野食多数都贵价野，又食唔饱，咁岩又想食饭同烧味，于是黎左呢间蛇王二食晚饭。店面布置简单整洁，感觉好舒服。叫左个烧味老火汤套餐，黎呢度系必食润肠！真系永无失望，入口甘香，回味无穷，𩠌上白饭烧味简直系绝配，直头想添饭啊！另外叫左个响螺老火汤，啖啖螺肉，真材实料，尽是精华，每盅佢都落足火力心机去炖，诚意满分！更值得留意既系，呢度伙记同气氛都十分怀旧，听住佢地寒暄边叹住老火汤润肠，品尝真正香港之味。