湯煲私房火鍋

营业中

休息中

两个无住家饭食嘅闺密相约饭聚，拣咗位于上环嘅汤煲私房火锅，贪佢有啖老火汤饮吓。闺密话呢度经常爆满，一定要预先订位。店家有多款老火汤选择，饮完汤先至开始打边炉。落完单，店员拿来调料盘，俾客人自己选择喜好调味。闺密推介加点醋落豉油里，说是能解腻提鲜。拣咗天麻川芎白芷鱼头煲 ，这款汤水有祛风止痛的食疗作用， 对女性尤其有益。材料有：大鱼头、天麻、川芎、白芷、淮山、红枣、杞子及元肉。上枱之后，仲要煲8分钟，先至可以饮汤架个汤越滚越香，奶白色汤水令人垂涎，饮落鲜甜顺喉，有益又滋补饮完汤，店员帮忙把鱼头捞起，见到一大旧鱼云响度鱼头好大个，响街市买个咁嘅「大鱼」头都好贵。鱼头两面煎过，无鯹味鱼云又香又滑食完鱼头已经有啲饱，夜晚又唔想食咁多，拣咗几种火锅配料。猪肉、羊肉、猪润、猪粉肠、鸡肠、秋葵同埋饺子。鸡肠好肥美，洗得干净无异味羊肉薄切渌一渌就食得，有羊肉味又唔膻。猪梅肉半份，又系渌一阵就食得，肉香浓郁，口感嫩滑猪润厚切好大好件秋葵新鲜好味厨师仲细心咁削去头尾。味增大根黑豚饺，馅料特别，大根即系萝卜，萝卜丝混在猪肉中，令肉香中增添清甜，加上味增上嘅咸香，互补互惠，令味道升华，好味如果味增轻一点更佳。