富港酒家 (已結業)

老爷生日，同老爷去咗酒楼食生日饭，酒楼有提供小童餐椅，不过仔仔开始大，我哋冇用到，净系将两张櫈垫高就算，之前都食过几次，质素几好，份量亦都算大，今次都冇失望。上菜嘅速度都好快，第一碟嚟嘅系鸡，啲皮好脆，啲肉又好Juice。呢个炒蚬唔算细份量好，粒粒都有蚬肉。小朋友最爱食呢个牛肉炒菜心，因为牛肉好林好入味，小朋友食咗最多。呢个蟹煲我哋次次黎都会叫，因为系特价品$88就有啦，个蟹煲爆得好香，又有蟹膏，真系好抵食。今次试咗呢个龙虾芝士伊面，实在太好食，啲龙虾一啲都唔难拆，好容易食到，啲芝士味又唔heavy，刚到好处。