雪園飯店 (已結業)

上星期同一班好耐无见嘅老友聚餐，相约在多年未踏足的雪园饭店开餐，一行十五人叫左十二人套餐，饱肚又好味!打头阵嘅冷盘保持水准，特别值得一提系小黄瓜同牛筋块。黄瓜味道香甜，调味适中，入口清新健康，而牛筋块就入口即溶，无肥腻感觉。至于主菜之一嘅拆骨鱼头就令人回味无穷，虽然卖相普通，但鱼汤香浓无腥味，放入口中一试，即刻食得出有大量鱼面珠「灯」肉，配合粉皮可谓滑上加滑，需知一条鱼最多只得两块面珠「灯」，令我想起以前回家妈妈每次煮鱼总会留低最珍贵又嫩滑嘅面珠「灯」比我食，呢味菜亦令我有非常温暖嘅感觉，下次再来一定ENCORE。另一道有惊喜嘅就系生煎包，外脆内软，食落口肉汁非常澎湃，食完一个又想接一个，停唔到口。其余亮点菜式仲有椒盐八宝鸭、火朣翅等等，份量十足，令人一试难忘。