力寶軒

营业中

休息中

喺金钟力宝轩，下午约咗朋友去食点心。原来除咗点心，下昼呢度都有潮州菜。我哋叫咗几款点心再加啲小食。好耐冇食鸭舌，见到呢度有花雕醉鸭舌😍 鸭舌充满花雕味，口感爽口，系唔错嘅小食。另外，红油炒手大大粒再配上香辣嘅红油，辣辣地好惹味！蒸虾饺皇每笼有4件，虾饺皇大只爽口，几好食😋接著系灌汤小笼包，每笼有3件，估唔到都唔错。内里灌满咗浓郁嘅汤汁，不错👍🏻 沙嗲蒸土鱿，土鱿鲜嫩有弹性，配上香辣嘅沙嗲酱汁，够哂味。最后，叫咗潮州粥，蚝仔比一般大只配同肉碎，充满潮州风味。