莎巴馬來西亞餐廳

营业中

休息中

莎巴系湾仔一间老牌马拉菜馆，早年因为加租停业，原来最近喺同区又重开返，今日去开湾仔即刻黎试下。新铺比旧铺店面较细，装潢以简洁为主，环境比以前光猛。常见嘅传统马拉菜都可以喺度食倒，好似肉骨茶、喇沙、虾面、海南鸡饭......等等。马来咖啡($18) - 留意Menu入面只系写咖啡，如果想要马来风味落单时要特别同店员讲，咖啡同平时饮嘅白咖啡差唔多，味道比港式咖啡香甜，咖啡味好香浓。冻柚子香茅水($22) & 冻柠檬薏米水($22) - 两款冻饮都系健康少甜版，味道较为清淡，适合怕甜嘅朋友。网丝炸春卷($45) - 春卷炸得松化香脆，上枱仲系热辣辣，就咁蘸甜酸酱已经好食。虾汤面($88) - 哩个虾汤面汤底颜色比较深，超浓虾味，应该落左好多虾仔或虾壳落去熬。面底用左油面，面量都唔少，如果有掺掺更好。虾有五只，份量对版，上面有半只流心蛋，虽然唔系马拉常见嘅熟蛋，但个人就钟意食流心蛋多啲。除左虾仲加左腩肉。马来椰汁辣饭($88) - 辣死你妈可以拣鸡肉或者牛肉，我拣左牛肉，牛肉系用左巴东方法整，虽然唔系我最爱嘅辣死你妈酱，不过味道都好惹味好啱𩠌饭，牛肉煮到好腍好入味，完全冇痴牙，旁边仲有好多花生