Jimmy's Kitchen (已搬遷) 新店位置

好耐之前已听朋友赞呢间老牌高级餐厅，终于都有机会来试，平日晚上唔太多人，侍应服务态度很好，会细心介绍每道菜。餐厅环境都唔错，典雅舒服。前菜叫咗蟹饼，唔算大份，但蟹味十足，几好食。招牌洋葱汤，的确唔错，很浓足料，喜欢洋葱汤的人，必试。主菜叫了肉眼扒，牛味都算浓，中规中矩。赞一赞，免费的餐包有4款可选择，每款都很好食!虽然好饱，但忍唔住要食埋个甜品，叫咗"火焰雪山", 都几大份，如唔大食，3/4个人分都得。外层系蛋白，内层系朱古力雪糕，味道唔错，火烧雪山果一刻，都几精彩。推介留肚食呢个甜品!晚餐价钱唔算平，不过味道唔错，环境又舒服，都会再来…佢有dinner set,  如餐单啱食，叫set就相对地抵好多。