盈館

营业中

休息中

嗰日老細心血來潮，突然話要請客。我就以為平時吝嗇嘅佢會帶我去大排檔食，結果佢帶咗我去盈館食午餐，嚇咗我一大跳。我喺嗰度諗，佢係咪發燒咗定係中咗馬票。既然要請客，我就唔客氣咁叫咗幾樣我想食嘅嘢。我最想食嘅莫過於食神叉燒飯。叉燒肉質入口即化，鹹味同甜味都取得咗平衡。香軟嘅白飯令叉燒肉味更上一層樓，仲有鹹蛋，有如畫龍點睛嘅感覺。我哋仲點咗金蒜陳醋拍青瓜，老細嘅開胃菜。青瓜經過拍打後入口清爽，濃郁嘅蒜香味，陳醋帶嚟味道嘅平衡感，味道層次非常豐富。我哋仲點咗雪花墨西哥叉燒餐包，鬆軟嘅麵包加上美味嘅叉燒肉，老細仲食得津津有味。仲有就係鮮蝦蒜香脆春卷。鮮甜嘅蝦肉同蒜被一層金黃色嘅脆皮包圍，簡直完美搭配。豉蒜虎皮尖椒係我老細最鍾意嘅一道菜之一，擁有微微嘅辣味，撲鼻而嚟嘅豉香同蒜香，令我哋食得欲罷不能。老細話下次一定要陪佢再嚟食過。