盈館

营业中

休息中

𠮶日老细心血来潮，突然话要请客。我就以为平时吝啬嘅佢会带我去大排档食，结果佢带咗我去盈馆食午餐，吓咗我一大跳。我喺𠮶度谂，佢系咪发烧咗定系中咗马票。既然要请客，我就唔客气咁叫咗几样我想食嘅嘢。我最想食嘅莫过于食神叉烧饭。叉烧肉质入口即化，咸味同甜味都取得咗平衡。香软嘅白饭令叉烧肉味更上一层楼，仲有咸蛋，有如画龙点睛嘅感觉。我哋仲点咗金蒜陈醋拍青瓜，老细嘅开胃菜。青瓜经过拍打后入口清爽，浓郁嘅蒜香味，陈醋带嚟味道嘅平衡感，味道层次非常丰富。我哋仲点咗雪花墨西哥叉烧餐包，松软嘅面包加上美味嘅叉烧肉，老细仲食得津津有味。仲有就系鲜虾蒜香脆春卷。鲜甜嘅虾肉同蒜被一层金黄色嘅脆皮包围，简直完美搭配。豉蒜虎皮尖椒系我老细最钟意嘅一道菜之一，拥有微微嘅辣味，扑鼻而嚟嘅豉香同蒜香，令我哋食得欲罢不能。老细话下次一定要陪佢再嚟食过。