阿霞餛飩

营业中

休息中

佢系一间正正常常嘅馄饨店，如果中午过后，经常可以见到店内职员同朋友坐低喺度食嘢，佢哋都好随便，不过服务态度算系殷勤，嘢食嘅味道亦都正正经经。舖头环境唔算特别干净，亦冇乜令人感觉好污糟。奇怪嘅系，佢哋枱面系冇胡椒粉供应，问佢攞就系一个大缸俾你。特别欣赏佢嘅小馄饨，馄饨肉唔多，调味不浓不淡，但都食得出系新鲜嘅材料，最正系个皮好薄好滑，口感相当讨好。最好嘢系佢个汤底，淡淡咁但系亦都食得出个味道系唔错。如果你系钟意呢种福建口味嘅小馄饨，就一定要嚟试吓，因为咁鄙薄馅靓嘅小云吞，唔系周围都有。