老夫子港式餐廳 (已結業)

闻说九展开了一间老夫子主题餐厅，我哋呢啲老夫子嘅粉丝，当然要去朝拜一下啦。餐厅位于九展嘅2楼，呢一层楼有好多foodcourt,但系老夫子餐厅系最大，占地最多嘅餐厅。餐厅装修一枱一櫈都充满着老夫子嘅味道，除左周围都画满晒老夫子的漫画，就连一张凳都系套老夫子同大番薯嘅衫，非常有特色。餐厅主打港式嘅快餐，例如有海南鸡饭，小菜，炒粉面饭等等。今晚我哋就叫咗个酸甜京肉排，海南鸡饭同埋一个猪猪手。海南鸡饭加$10就可以选脾位啦，鸡肉好滑，好嫩，煮得恰到好处。鸡油饭好香，唔使三两下就食晒成碗饭啊。酸甜京都肉排酸酸甜甜好惹味，猪肉好冧，送饭一流。呢个猪手d肉炆得好冧，啲皮好弹牙又爽，好好味，而且份量又多。不过餐厅不停咁loop住老夫子洗脑歌，实在有点烦，如果可以加多几首歌就好了。