老苔目 (已結業)

朋友点名话要黎试, 点知12点3都仲未开门既~好啦, 我地去行一阵先达先再番黎食过啦!12点9黎到, 坐门口位, 叫左两个小碗鲁肉饭, 再叫了两个小吃, 一个系暖盘, 一个系蚵仔煎鲁肉饭: 看上去, 真系好细个, 点知我地都系食唔晒, 好饱!而且食到底, 真系有好多油㖞, 而且肉碎内有好多肥肉呀!!! 如果无咁油, 无咁肥, 一定会好好多!暖盘-翡翠素菜卷: 凉左少少, 都唔够暖㖞! 另上了麻酱, 沾上一点点黎食, 都几好味, 但如果系热既, 我觉得一定好好食呢~蚵仔煎: 好多蚝仔㖞!!! 而且只只都好肥大, 不过本人不好食蚝仔蚵仔, 所以无食, 只系食左d 旦+面粉做成的面条...都几油, 几腻几滞下, 多人食会好d, 得2个人食一定食唔晒, 仲要系两个女仔...我地不停饮水, 佢地都不停斟水比我地, service都几好, 只系店舖太细喇...而且个厕所都窄窄地...食物如果不是太油太肥, 都会再黎!