影片
更多
2018-07-23
45 浏览
落老兰除咗饮嘢之外，其实仲有好多出色嘅餐厅。 就算唔饮酒， 约朋友食个晚饭， 都可以有去咗外国酒吧街嘅感觉， 又chill又写意。呢间burger bar位于兰桂坊嘅小巷当中，系𠮶间铁皮屋花店转入去就可以揾到。 一入门口见大部分食客都系外籍人士，就知道无拣错地方。餐厅环境幽暗，一列高身嘅BAR枱，食饱饱再喺度同朋友倾下偈先转场都仲得。《炸薯条加芝士粉/半份》，薯条炸得香脆，入口都仲系热辣辣，芝士粉均匀地洒于薯条之上，带住点点shake shake薯条嘅意味， 芝士粉味道带有咸香，加埋亨氏蕃茄酱任点，无敌。《脆薯角/半份》，由于薯仔嘅比重多咗，食落更有薯味，难得能够享受更多薯味得嚟外面仲系脆卜卜，最钟意佢每惠顾一个汉堡，就可以用优惠价换购小食半份，咁就可以试多啲嘢啦。原本想试下个招牌流心芝士汉堡，不过店员话今日卖哂，就嗌咗个《辣味洋葱汉堡+ 酸青瓜》，好彩呢个洋葱汉堡都唔弱，个自家制嘅秘制辣汁十分惹味，再加上喺炒洋葱同埋生洋葱两面夹击之下，辣味嘅层次就提升咗不少。 食Burger又点少得汉堡扒呢？ 呢度嘅汉堡扒用美国安格斯牛肉每日新鲜人手打造。 食落牛味特别香浓， 而且肉汁丰富， 非常j
落老兰除咗饮嘢之外，其实仲有好多出色嘅餐厅。 就算唔饮酒， 约朋友食个晚饭， 都可以有去咗外国酒吧街嘅感觉， 又chill又写意。
呢间burger bar位于兰桂坊嘅小巷当中，系𠮶间铁皮屋花店转入去就可以揾到。 一入门口见大部分食客都系外籍人士，就知道无拣错地方。餐厅环境幽暗，一列高身嘅BAR枱，食饱饱再喺度同朋友倾下偈先转场都仲得。
《炸薯条加芝士粉/半份》，薯条炸得香脆，入口都仲系热辣辣，芝士粉均匀地洒于薯条之上，带住点点shake shake薯条嘅意味， 芝士粉味道带有咸香，加埋亨氏蕃茄酱任点，无敌。
《脆薯角/半份》，由于薯仔嘅比重多咗，食落更有薯味，难得能够享受更多薯味得嚟外面仲系脆卜卜，最钟意佢每惠顾一个汉堡，就可以用优惠价换购小食半份，咁就可以试多啲嘢啦。
原本想试下个招牌流心芝士汉堡，不过店员话今日卖哂，就嗌咗个《辣味洋葱汉堡+ 酸青瓜》，好彩呢个洋葱汉堡都唔弱，个自家制嘅秘制辣汁十分惹味，再加上喺炒洋葱同埋生洋葱两面夹击之下，辣味嘅层次就提升咗不少。 食Burger又点少得汉堡扒呢？ 呢度嘅汉堡扒用美国安格斯牛肉每日新鲜人手打造。 食落牛味特别香浓， 而且肉汁丰富， 非常juicy。 呢个咁美味嘅辣味洋葱汉堡好快就俾我哋秒杀咗。
另外呢款《大蘑菇扒汉堡》， 除咗有招牌嘅手造汉堡扒之外， 用上咗大大只嘅 Portobello mushroom，所以一上枱就传嚟阵阵嘅大蘑菇香味。 大蘑菇嘅juicy程度绝不比安格斯汉堡扒逊色，食落有肉嘅质感， 可以话系素菜中嘅牛扒。呢个汉堡系用咗招牌特制酱，味道比较classic，配合汉堡扒嘅香浓牛肉味， 以及新鲜嘅番茄同生菜，经典滋味莫过于此。
另外不得不提胶手套通常只系出现喺炸鸡店，呢间餐厅系少数有提供胶手套嘅汉煲店，啱哂钟意企理嘅朋友；饮埋最后一啖啤酒，啱啱好见到开始有人等紧位，我俩带住满足嘅笑容离开。
张贴
