芝加哥串燒酒場

餐厅位于老兰嘅心脏地带，内里环境相当有 feel，仲有欧多牙嘅位置，放便喜欢频繁呼吸嘅朋友。Kirin Ichiban Frozen Beer，麒麟一番搾 Frozen Beer 柚子果蓉味，啤酒上面独有嘅零下 5 度啤酒泡沫，结合柚子嘅清新鲜甜香气，清爽怡人，令人回味。纸鸢鸡皮，厨师用竹纤将鸡皮穿到好似一只纸鸢咁样因而得名，鸡皮够薄，烧到好似薯片咁脆，但系多咗鸡油嘅香味，𩠌酒一流。自家制和牛棒，和牛棒牛味浓郁，点一点随付嘅蛋浆，风味更佳。Mateus，Mateus 系一种由葡萄牙出产嘅带泡沫酒，入口甜微，风味清新，风格平易近人，带有精致而浓烈嘅樱桃气息，口感令人愉悦。烧娃娃菜，串烧咁多肉肉，点都要嗌番啲菜均衡一下，娃娃菜烧得香之余仲保持住水份，非常 Juicy。明太子玉子烧，玉子烧Q弹，上枱嘅时候仲系微微辣口嘅状态，蛋嘅甜味加上明太子嘅提鲜，赞。招牌无骨白鳝串，白鳝新鲜，入口弹牙，特别钟意佢烧得薄脆嘅鱼皮，令到整体嘅食感更佳。烧羊架，羊味令人满足，点埋薄荷酱更有层次。烧明太子多士，串烧店食过好多，用明太子嚟做多士都系第一次食，烘得脆身嘅多士原来同明太子嘅咸鲜原来系绝配。