影片
更多
2015-04-24
602 浏览
人生除左股市之外，仲有好多可以专注，个市好到咁啲人就唔记得左周星星我。辛苦得黎自在食，赢钱都系想住好啲食好著好啲，好似女皇唔理俗事，好注专我…同唔同佢食好野，都令我有啲安慰。今日同女皇行完永远21，就转左个弯去食咖哩，话时话，讲起咖哩就谂NBA 个CURRY，真系好很型，最近又打得几好。讲返个咖哩，系日式。点解知？因为一入去就听到个厨师讲日文，系靓仔既，好彩女皇见唔到，唔系就有排烦。Ｅ到主要食咖喱饭同小食，款式唔多，但组合多，三一得个三，够ＰＯＴ 既豹子头二个点够，要二十个𩠌都仲得呀！女皇唔知系咪睇得多武眉娘，霸气越黎越盛，一坐得就拎起个ＭＥＮＵ啪啪啪咁就叫好晒食乜，望咩，有得食真系唔食，食住先啦。佢叫左好多个小食，都系热气野，唔好话炸一定好食，我就先前食左间炸都唔好食既餐厅，真系要写个服字。女皇叫左薯条、金芝年、野人烤肉肠。薯条佢就叫老虎绞薯条，佢系ＭＣ式薯条，均匀咁加左黑椒粉，够脆，你知ＭＣ啲薯条点架啦，无黎新气咁软LAILAI，但Ｅ到啲薯条都可以，但系普通既薯条点满足到香港人，正所谓牛丸都要濑尿先有人食，佢有个咖哩芝士酱。个酱，系得既。因为佢整熔左个芝士，加埋甜甜地既日本咖喱，够
今日同女皇行完永远21，就转左个弯去食咖哩，话时话，讲起咖哩就谂NBA 个CURRY，真系好很型，最近又打得几好。
讲返个咖哩，系日式。点解知？因为一入去就听到个厨师讲日文，系靓仔既，好彩女皇见唔到，唔系就有排烦。
Ｅ到主要食咖喱饭同小食，款式唔多，但组合多，三一得个三，够ＰＯＴ 既豹子头二个点够，要二十个𩠌都仲得呀！女皇唔知系咪睇得多武眉娘，霸气越黎越盛，一坐得就拎起个ＭＥＮＵ啪啪啪咁就叫好晒食乜，望咩，有得食真系唔食，食住先啦。
佢叫左好多个小食，都系热气野，唔好话炸一定好食，我就先前食左间炸都唔好食既餐厅，真系要写个服字。
女皇叫左薯条、金芝年、野人烤肉肠。
薯条佢就叫老虎绞薯条，佢系ＭＣ式薯条，均匀咁加左黑椒粉，够脆，你知ＭＣ啲薯条点架啦，无黎新气咁软LAILAI，但Ｅ到啲薯条都可以，但系普通既薯条点满足到香港人，正所谓牛丸都要濑尿先有人食，佢有个咖哩芝士酱。个酱，系得既。因为佢整熔左个芝士，加埋甜甜地既日本咖喱，够唔够照！
金芝年系芝士炸年糕，皮够脆，内够软，软得黎唔会涷冰冰，最重要系里面系芝士系流心，流心出黎系唔辣咀仔。
一条猪肉鸡骨肠，去边女皇都要食，见到就要食，日食，月食，年食、、、阿门。个小食本身可以，猪肉鸡骨肠，热辣辣上台，但重点又系个酱，蜜糖芥末，几多人为ＭＣ个蜜糖芥末而疯狂，你去到就任你食，个薯条任你点，点ＪＡＣＫ都争唔到你。
食热气野，梗系要啤一啤。叫左个日本白啤，清清地，同女皇一齐饮。个公仔好易认，系一只猫头鹰。其实我心里面有一丝童真，有一刻想叫个波子汽水。。。
因为唔食得刺激性野，即系咖喱，食薯条𠮶阵已破戒，所以个饭要食得乖少少。真系好彩，佢有除左咖哩，仲有个蕃茄酱，再追加个温泉蛋，再再加个涮涮牛肉，再再再加个热熔芝士。呜呀！妈呀！真系谂返都觉得正！我先将只蛋捞好个饭，将蕃茄酱笔落去，再围住一片牛肉，师夫，点睇呀！饭有蛋香，加上甜甜地既蕃茄酱，嫩滑既牛肉，融为一体，系咪唔记得左啲野，系，系芝士，熔左既芝士系好香，点解我无ＭＥＮＴＩＯＮ，系因为佢同蕃茄酱已经芝酱合一，份唔开，但食得出，呜呀！
女皇佢有心挑战极辣，因为可以贴堂，佢有个ＧＩＭＭＩＣＫ野系如果叫佢个极辣系可以映张即映即有贴喺餐厅。好彩！我叫停左佢，唔系真系我食，哗吓到丫，真系讲左句粗口。最后叫佢地比我地试下个咖哩少少少少，真系顶唔浦。
食完。真系好饱，饱到顶住，但系顶到呕都要送埋女皇上车先可以回府。有时谂，比我做下女皇都好。张贴
