影片
更多
2017-12-04
465 浏览
喺太子近深水埗一带，多数食肆都系老字号，而且旧式茶餐厅、火锅、打冷、酒楼占多数。小田田餐厅就走田园风格，喺呢个老街区可以话系「万红丛中一点绿(田园风系绿色架嘛)」，招牌系相当清新嘅青绿色，非常吸引眼球。入面装潢系清新田园风，好似喺间田园中嘅屋仔食嘢咁，感觉好舒心好relax。由于肚饿关系，见到呢三个咕𠱸，我谂起蔬菜、红萝卜同紫薯。我地叫左一个Dinner set、一个火辣辣铁板。Dinner set选择都几多，百几至二百几蚊，除餐汤、面包、餐饮外，仲可以特价换小食，半价转特饮。火辣辣铁板虽然冇餐汤餐包，但只系$78-128，如果叫嘅系铁板蛋包饭，就送倒立冰一杯，好抵，因为单点一杯要$42架。Dinner set 【烤韩国济州岛黑毛BB猪鞍$188】是日餐汤系蘑菇汤配自家制紫薯饱 - 蘑菇汤味道浓郁，充满粒粒蘑菇蓉。汤碗装汤𠮶部份睇落好细，但其实个碗好深，所以份量唔少，而且更加令个汤保持温热。第一次食紫薯饱，味道唔甜但几有紫薯香，而且质感松软。【是日水果茶$24】餐饮转咗特饮，水果茶原价$24，特价$12，但唔会因跟餐而偷工减料。茶壶，烘炉同茶杯都系全玻璃，好精美。茶里面有火龙果、橙、柠
入面装潢系清新田园风，好似喺间田园中嘅屋仔食嘢咁，感觉好舒心好relax。
由于肚饿关系，见到呢三个咕𠱸，我谂起蔬菜、红萝卜同紫薯。
我地叫左一个Dinner set、一个火辣辣铁板。Dinner set选择都几多，百几至二百几蚊，除餐汤、面包、餐饮外，仲可以特价换小食，半价转特饮。火辣辣铁板虽然冇餐汤餐包，但只系$78-128，如果叫嘅系铁板蛋包饭，就送倒立冰一杯，好抵，因为单点一杯要$42架。
Dinner set 【烤韩国济州岛黑毛BB猪鞍$188】
是日餐汤系蘑菇汤配自家制紫薯饱 - 蘑菇汤味道浓郁，充满粒粒蘑菇蓉。汤碗装汤𠮶部份睇落好细，但其实个碗好深，所以份量唔少，而且更加令个汤保持温热。
第一次食紫薯饱，味道唔甜但几有紫薯香，而且质感松软。
【是日水果茶$24】餐饮转咗特饮，水果茶原价$24，特价$12，但唔会因跟餐而偷工减料。茶壶，烘炉同茶杯都系全玻璃，好精美。茶里面有火龙果、橙、柠檬和提子。水果茶我钟意饮甜嘅，呢度嘅就唔甜，不过都够果味，唔错。
主菜用木板上，配有蔬菜。件猪鞍份量足，厚度目测有3cm左右。
猪鞍质素令我地喜出望外，外层烧得微焦，咬落仲有少少脆。里面嘅肉约8-9成熟，所以睇到颜色有啲粉嫩。外层同肉之间有一层薄薄的脂肪，再加上肉质非常鲜嫩，咬下去很juicy，肉味也很浓郁，满口油香，可以唔需要蘸附上嘅烧汁都够晒味。以晚餐$188的价钱嚟讲，性价比极高，系我食过嘅黑毛猪中最好味嘅。
火辣辣铁板【1++韩牛汉堡铁板蛋包饭$118】用铁板上，不过就冇pexxer lxxch𠮶啲吱吱声咁吸引。韩牛汉堡牛味浓郁，而且汉堡连埋个饭都落咗好多黑白芝麻，所以食落都几香口惹味。
我地叫咗芝士汁，原来𠮶细细个樽仔白白哋𠮶樽就系，试咗少少，质感似杰杰地嘅白汁，味道就唔系我哋expect𠮶只芝士味，所以冇落到。不过本身个饭+酱汁都够味道够creamy所以冇乜问题。
个饭本身其实都有芝士，做到拉丝效果架。
【蓝海洋】海蓝色嘅饮品，望落已经感觉凉爽。倒插𠮶支喺Lemonade，酸酸甜甜几开胃，大大支饮管，饮落够晒透心凉，爽呀~
【特浓朱古力心太软伴雪糕$42】朋友系心太软fans，一见到个餐牌有已经双眼发光。佢话个心太软味道都不错，不过个流心朱古力浆稍为唔够浓。虽然未系完美，但佢都encore咗一个……
我哋两个食到好饱，每人大约$200已经有晒甜品同特饮，而且仲唔驶加一，真系几抵食。第时嚟到呢区又多一个好选择~
张贴
