雲南啊老表黑山羊湯鍋米綫 (已搬遷) 新店位置

连锁米线店食得太多，已经食到开始有d厌，时常谂香港有无d好似中国大陆开到成行成市既清真羊肉面店呢，今日路经佐敦，有幸俾我见到呢间店，我当然二话不说就冲入去试下啦！羊肉米缐 (大)由于好肚饿既关系，今次一定要食个够，而呢个羊肉米线既份量真系大，大到差d食唔哂，呢个羊肉汤真系好清甜，食落一d都唔觉得有任何味粉同味精，羊肉好淋好有羊味，最重要系d米线唔系淋到无咬口个只，系好爽口仲有少少弹牙，无得顶！饺子呢个饺子都算系邪恶，表面睇上去无乜特别，但真系我最钟意既size，一口咬落去，我当堂吓一跳，心谂点解会咁甜，落左糖？食真d原来系d肉汁既鲜味，老实讲，我真系无食过咁好食既饺子，好想问下佢地究竟系点整，嘻嘻！麻辣猪耳讲食麻辣野，普遍黎讲，上至四川下至香港，要好食黎唔开就系落大量既味精，每次食完都要开消防喉饮水，讲返呢个小食，食落唔觉有味精，麻同辣既程度恰到好处，猪耳系有猪味架，香料既味道无喧宾夺主，但又保留定麻同辣既层次，正！