里木

营业中

休息中

前日我同老豆话，朋友过两日嚟香港玩，问佢有无啲好食嘅日式餐厅介绍。佢就打电话畀佢好兄弟问咗吓，话尖沙咀间里木啲日式嘢唔错，可以带朋友去试吓。我就决定带朋友去𠮶度食晚餐。间舖装修得好特别，成个环境都令人觉得好轻松，好啱同朋友倾偈食饭。和牛海胆热狗：朋友话呢个寿司系佢食过最好味嘅寿司！和牛切得好薄，仲包住寿司饭，口感真系特别正！岩手县石垣贝寿司：石垣贝虽然细细粒，但系肉质特别新鲜香甜，每一啖都系经典！爱知县白象拔蚌 &北海道粒贝配冲绳水云：象拔蚌有淡淡嘅海鲜味，非常新鲜！仲有放喺杯上面嘅北海道粒贝特别清爽，好食！日本生蚝配鱼子酱一罐：生蚝味道特别高级，肉质除咗鲜之外，仲带有滑溜嘅口感，一个字，正！壳付原只海胆：海胆份量好足，我同朋友都好钟意海胆独特嘅味道！蜜瓜：好新鲜，特别甜，系我暂时食过最鲜甜嘅蜜瓜🍈我同朋友两个人食得好爽！仲倾咗好耐偈，非常之开心！