影片
更多
2011-12-14
130 浏览
新宏利晌路德围都好多年，生意好旺，铺内其实好细，而且系开放式，好多折枱胶凳开晒晌铺外，大热天气都只系牛角扇侍候，所以一般天热都甚少嚟食。但初春或入秋，就几钟意帮衬，因为够地踎，食得无拘束，而且粥品、油条都好有水准，份量又够十足无欺场，难得仲系街坊价，故此新宏利甚受街坊欢迎。两公婆是日午餐，就系碎牛粥、艇仔粥、银芽炒面同牛脷酥卷肠粉，无错，系牛脷酥卷肠粉，即系炸两嘅牛脷酥版，我都系第一次食。艇仔粥．碎牛粥 $12佢卖嘅粥品款式唔多，都系艇仔、碎牛、猪红、瘦肉、鱼片、皮蛋之间沟嚟沟去，一个牌十来款睇晒，除咗艇仔、碎牛、猪红粥卖$12外，其他配搭都系一律$14，粥料甚多，非常抵食。今回我哋要咗艇仔粥同碎牛粥，相比之下，艇仔粥比较料多，猪皮、鱿鱼、炸米粉…，米粒爆晒花，粥底够绵，而碎牛粥可能因为免治牛肉较为「碎湿湿」啲，所以感到料少啫。银芽炒面 $6份量足晒秤，不过银芽肯定系偏少，可好嘅系面条炒得唔油，几够味。不过，唔够味都唔系问题，因为枱面放晒大大支嘅甜酱、辣酱、麻酱同豉油，想点捞就点捞。牛脷酥卷肠粉 $10贪得意，叫咗依个嚟试。一向我都钟意食牛脷酥，既然有个牛脷酥卷肠粉，当然要试啦。好大碟
两公婆是日午餐，就系碎牛粥、艇仔粥、银芽炒面同牛脷酥卷肠粉，无错，系牛脷酥卷肠粉，即系炸两嘅牛脷酥版，我都系第一次食。
艇仔粥．碎牛粥 $12佢卖嘅粥品款式唔多，都系艇仔、碎牛、猪红、瘦肉、鱼片、皮蛋之间沟嚟沟去，一个牌十来款睇晒，除咗艇仔、碎牛、猪红粥卖$12外，其他配搭都系一律$14，粥料甚多，非常抵食。今回我哋要咗艇仔粥同碎牛粥，相比之下，艇仔粥比较料多，猪皮、鱿鱼、炸米粉…，米粒爆晒花，粥底够绵，而碎牛粥可能因为免治牛肉较为「碎湿湿」啲，所以感到料少啫。
银芽炒面 $6份量足晒秤，不过银芽肯定系偏少，可好嘅系面条炒得唔油，几够味。不过，唔够味都唔系问题，因为枱面放晒大大支嘅甜酱、辣酱、麻酱同豉油，想点捞就点捞。
牛脷酥卷肠粉 $10贪得意，叫咗依个嚟试。一向我都钟意食牛脷酥，既然有个牛脷酥卷肠粉，当然要试啦。好大碟，都只系卖$10，抵食。肠粉皮比较厚，而牛脷酥味带甜，又无油炸鬼咁脆身，所以两者夹埋无炸两咁好食，食落好似啲肠粉包住个面包咁。如果未试过，一试都无妨！
张贴
