慶有餘 (已結業)

基本上老板每次开会都一定要食住饭开，仲大多数会系哩间中菜到开，贪佢有房，环境好，又静，啲野又好食。所以每次开会都系挂住食。琴晚又上去开食饭会，一嚟饮返碗老火汤先，青红萝卜粟米汤，正！因为自从搬左出去独居之后，好少有汤水饮，哩度既老火汤好呀妈风味。饮完汤之后，开始有啲热。平时都只会觉得冻既我，竟然觉得热，原来系因为佢地个冷气坏坏地。不过餐厅经理都好窝心，即刻就拎把冷气风扇入黎。真好！今次食左乜？食左荷叶蒸鸡，土鱿肉饼，菜心炒牛肉！非常家常便饭，但真系好好味，好健康，因为明显食到少油少盐。我谂佢地真系连味精都冇落，至少我食饱饭之后，冇丧饮水。不过天气咁热，希望冷气快啲整好啦～