陳儀興飯店 (崇齡街)

营业中

休息中

成班朋友，讲起打冷就有朋友提议黎陈仪兴，佢地话呢个小店系几有水准。就试试佢啦。蒜香骨 - 炸得好松脆，而且唔会好似得骨无内食，啖啖肉咁。不过系有少少重口味，咸左少少。卤水鹅 - 卤得几入味，份量啱啱好，不过卤水料既层次就略略唔足，咸味比较突出。蚝饼 - 炸得好脆身，不过我就唔系特别好太脆身既蚝饼，不过呢个蚝饼唔会太过淡口。而且蚝既分量都唔少。但系讲好味，又唔算称得去好好味。大漠牛柳粒 - 系我最满意既一道菜。呢味系偏向麻辣，如果本身唔食得辣既朋友就可能会觉得太辣，但系一般朋友就应该会食得好爽。而牛柳既肉质就无令人失望，一样系好嫩多汁。避风塘炒蚬 - 我就唔系好确定避风塘炒蚬系咪打冷食品啦。不过佢系炒得好香浓，而且最重要就系唔会壳多肉少。春菜 - 我就未食过春菜既，整体菜好淋，汤好清甜。