影片
更多
2021-06-20
255 浏览
某日与表姐闲聊，得知大角咀最近新开一间火锅店－廿七窝，性价比高，值得一试。众所周知，大角咀乃近年老饕热门觅食之地，火锅店选址大角咀，可见实力不容小觑。立即打电话订枱，尝鲜去。 甫入店内，型仔老板💁♂️立即热情相迎，店内装修走的是亲民路线，简单且简洁，「碰杯声共语声喧，锅中肉肉涮还鲜。」已足够形容。我哋各自安坐后，型仔老板便立即送上一碟餐前小食－「蒜香豆腐粒」，豆腐炸得外脆内软，甘香可口，令人食到停唔到口。跟住型仔老板就介绍当日象拔蚌同𫠒红鱼好新鲜，做刺身一流。听落都觉得好味，即刻落单。象拔蚌刺身先上，绝对是新鲜现切。师傅刀工一流，片片厚薄适中，爽脆弹滑，入口完全冇腥味。轻嚼几下，象拔蚌嘅鲜味便充满整个口腔，令人难以自拔，1.4斤的象拔蚌瞬间就被清空嘞。店家马上送上啱啱切好嘅𫠒红鱼刺身。鱼肉片片晶莹剔透，望落就知新鲜，食落更加弹牙鲜甜，慢嚼轻咽，鱼的鲜甜味慢慢咁渗出，个中嘅滋味，非笔墨所能形容。果然冇介绍错👍而且𫠒红鱼每日新鲜到店，限量发售，喜爱鱼生嘅你，一定不可以错过。 食完两大盆刺身，已经好心满意足，觅食老饕点会就此收手呢！当然立即加点店内人气之选「廿七奇味鸡煲(小辣)」。呢个鸡煲，
甫入店内，型仔老板💁♂️立即热情相迎，店内装修走的是亲民路线，简单且简洁，「碰杯声共语声喧，锅中肉肉涮还鲜。」已足够形容。我哋各自安坐后，型仔老板便立即送上一碟餐前小食－「蒜香豆腐粒」，豆腐炸得外脆内软，甘香可口，令人食到停唔到口。跟住型仔老板就介绍当日象拔蚌同𫠒红鱼好新鲜，做刺身一流。听落都觉得好味，即刻落单。象拔蚌刺身先上，绝对是新鲜现切。师傅刀工一流，片片厚薄适中，爽脆弹滑，入口完全冇腥味。轻嚼几下，象拔蚌嘅鲜味便充满整个口腔，令人难以自拔，1.4斤的象拔蚌瞬间就被清空嘞。店家马上送上啱啱切好嘅𫠒红鱼刺身。鱼肉片片晶莹剔透，望落就知新鲜，食落更加弹牙鲜甜，慢嚼轻咽，鱼的鲜甜味慢慢咁渗出，个中嘅滋味，非笔墨所能形容。果然冇介绍错👍而且𫠒红鱼每日新鲜到店，限量发售，喜爱鱼生嘅你，一定不可以错过。
食完两大盆刺身，已经好心满意足，觅食老饕点会就此收手呢！当然立即加点店内人气之选「廿七奇味鸡煲(小辣)」。呢个鸡煲，鸡肉咬落新鲜弹滑林甜，香辣醒胃，令人感觉之前吃嘅刺身鱼生已经完全消化，食力即刻恢复。叹完个鸡煲，梗系放汤打甂炉喇，型仔老板又介绍每只牛得一条嘅「顶级手切封门柳」，跟住指示，水滚落肉川烫5秒，一放入口...... 哗，牛味香浓，肉质软林之余又有咬口，终于明白封门柳咁矜贵系有原因嘅。廿七窝嘅火锅配料种类繁多，而且有啲系一般火锅店冇嘅。特别要介绍嘅就是「台湾豆腐纸」及「廿七手炸响铃」。豆腐纸－第一次听，都系第一次吃。豆腐纸只需落水一浸，便可即刻捞起，豆味浓郁，食落去爽滑顺口；响铃更加系令人倾心之作，一般嘅响铃，落水两秒，就会整个软掉，食落成嘴油，但廿七窝嘅自家响铃，落水3秒，表面软化，但咬落卷心仲系「喀嚓喀嚓」，依然松脆诱人，而且唔觉油腻，绝对惊喜。
食咗成晚，食物好味质素高外，店家嘅服务又值得一赞。是晚同行朋友中有位，唔食生嘢，唔食辣兼唔食肥腻。一句讲哂，我哋点嘅嘢8成都唔啱佢食。店家知道后，即刻同大厨商量，好快就炒咗碟色香味俱全嘅「菜心炒牛肉」俾朋友，尽量照顾到每位客人客制化嘅需要，不得不俾个👍
总结成晚嚟讲，所有嘅朋友都食得好开心。食物新鲜好味，每样都系用心之作，物有所值。虽然廿七窝交通位置唔算太便利，但食物质素同服务态度激赞，值得一去再去。
张贴