祺記

营业中

休息中

呢排肠胃麻麻地，谂住早餐食清淡D整返碗粥。平时都会间唔中黎深水埗街市熟食中心呢度食野，讲真果度以前已经好难去，而家D电梯仲要修理极都未修理好。朝早7点几要穿过拆货落货嘅街市菜贩同鸡贩摊档喺湿滑嘅地面前进……但当你穿过重重困难，就会见到几只猫（X） 错，系到左有好多好嘢食嘅熟食中心。祺记同维记应该系同一个事头婆（戴眼镜个靓女），以前都系去食维记嘅猪润通粉早餐。猪润系出名菜式。今次食斋猪润粥，特别要求加姜，事头婆好大方咁应承仲几次大声提醒厨房，成件事好似食左姜嘅感觉一样，好warm。个粥底好棉，闻到米香同粥特有嘅咸香。食落口又鲜又甜，有D姜丝嘅汁沟埋特别醒胃。今次碗粥猪润份量都多，平时食猪润通比较少呢XD 喺粥嘅热度入面熟得啱啱好，鲜嫩弹牙又冇血水，亦有猪润特有嘅沙嘅口感。加左姜又可以劈咁D腥味同吊到个鲜味出黎。平民嘅地方总系揾到瑰宝。呢碗粥摆喺D 高级地方一定贵好几倍。其他食品价钱都系平民，不过今次主要系养胃为主，怕食得太饱或油腻就冇试了。