CJ Cafe (已結業)

上星期面临韩文Oral 考试，加上有些家事需处理，心情真系好紧张。于是到屋企附近 CJ Cafe 食好东西，点左个汉堡 + 汤 + 饮品 + 甜品，补充能量，再上路考试。Cafe 比想像中大，我初时以为得2-3个位。环境都几舒服，有自然火透入餐厅，用餐时心情都开朗D，睇黎下次约多几个朋友都冇问题啦！ 忌廉蘑菇汤 味道比较清淡，蘑菇量算多，如果口感可以做得浓厚少少就好啦。黑松露芝士牛肉汉堡 配 薯条 真心想讲岩岩炸出黎嘅粗薯，外脆内软，表面有少少盐花增添风味，几时都咁吸引！我有少少估唔到汉堡会选用牛角包，都真系好惊喜。汉堡目测都有寸厚，多汁松软，唔错！入面配上酸瓜、蕃茄、生菜，令成个包冇咁heavy!特别想讲酸瓜够酸够脆，好醒胃！蓝蝶水晶西柚特饮 一直都想饮有关于蓝蝶系列嘅饮品，印象中马鞍山只有呢度先有。特饮紫色渐变真系好靓，加入西柚汁酸酸地，好清新。法式焦糖炖蛋 呢个甜品外冷内热，蛋味浓郁，入面炖蛋口感好顺滑，加埋上面脆卜卜焦糖，真系好满足。---------------------------CJ Cafe马鞍山鞍骏街33号马鞍山游泳池餐厅