老夫子餐館 (已結業)

唔知你系边个年代架呢？你哋细个有无睇过老夫子呢？我A姐觉得老夫子真系好样衰，大蕃薯又肥又矮，啲故事又唔算好好笑，但依家见到佢哋却又回忆起好多细个嘅回忆，咩「自讨苦吃」、「各有千秋」、「甘拜下风」、「世事难料」、「未雨稠缪」等等，原来以前真系好简单。今日就去到元朗形点二期嘅老夫子餐馆，同M佬一齐「耐人寻味」。鲜茄焗猪扒饭港式嘅经典又点少得鲜茄焗猪扒饭呢？饭底炒得干身，猪扒份量足，仲有唔少番茄，比起一哥嘅当然够晒份量。梦幻堡垒呢个堡垒由一口西多砌成，即叫即炸，够晒香脆，配衬雪糕嘅冰火口感，好刺激呀。老夫子玩意、秦先生玩意卖相好吸引，成大个绵花糖，我初初仲以为系老夫子同秦先生个头型，可惜唔系，哈哈！老夫子玩意系少见嘅忌廉沟鲜奶；而奏先生玩意就系菠萝凉份芬达。影相真系好靓呀。