妹記大排檔

营业中

休息中

耐唔耐都要食返次唔系因为好食到要不停帮趁，而系有时唔知食咩好，又想确保食物质素正常，就拣呢间。记得对上一次食都系闲日，但都要等成半个钟，今次7点左右到，一入去就有位。3个人叫咗4个𩠌，分别系蚝仔弼、妹记炸猪手、豉椒炒蚬同埋蒜蓉通菜。其实都冇乜睇过餐牌，去之前已经大约谂好，不过原本想叫既卥水拼盘已经冇再做（如果冇听错）。蚝仔弼每人都有两至三碗，蚝仔刚刚好，唔会因为煲得太耐。通菜其实偏咸，但我地送粥所以岩岩好。印象中猪手系冇帮你切碎的，唔知系咪耐冇食，同印象中已经不一样，而家咁样方便好多。最后系蚬，少少失望，过熟了，大部分都甩晒壳。几次来到都有个印象，就系啤酒姐姐会唔止一次过黎问你要唔要酒，都真系几「勤力」。食完大约8点几，外面都好似冇乜人等位，唔知系咪最近旺角太多其他新宠了（笑）。