影片
更多
2015-07-01
2433 浏览
晌「开饭喇」查一查，韩式餐厅接近400间，当中主打做韩烧有近1/3，无正式统计过，只喺从朋友、杂志所听闻，粗略估计，每个月大概有2-3间韩式餐厅新开业。近日，就同朋友嚟到九龙城嘅「炑八」叹韩烤，喺近排扩展得几快嘅韩烤餐厅。虽然小弟有睇吓韩剧，但对韩文一窍不通。餐牌内页有一段文字介绍「炑八」，颇引起小弟傻笑，「炑八」（먹방）嘅韩文发音为「meokbang」，意思睇番张餐牌内页就知，识小弟嘅朋友都知我一向撑广东话（写文更尽量唔会又中又英），如果以广东话读番𠮶两个韩文字，同「茂炳」个音几相近，所以，今晚难得两位朋友陪小弟依个「茂炳」嚟食韩烧，真喺赏心悦「炑」。餐厅地方颇大，枱与枱之间都几有距离感，感觉阔落，有4人圆枱，有4人卡位，亦有可组合成嘅大长枱，人多人少嚟都可以坐埋一齐。而抽油烟喺采用上抽式，效果还算不俗，至少食完都唔会觉得一头「烟」。因为是晚闲日，客人唔多，所以，拣坐卡位，有得挨，自在好多。萝卜、泡菜、大豆芽、木耳（免费）食韩国嘢，其一大特色就喺前菜，就算未点餐都一定会送上多款前菜，「炑八」都唔例外，先上嘅4款前菜，包括：大豆芽、木耳、萝卜片及韩式泡菜，几款前菜都各有个性，做得唔错，
虽然小弟有睇吓韩剧，但对韩文一窍不通。餐牌内页有一段文字介绍「炑八」，颇引起小弟傻笑，「炑八」（먹방）嘅韩文发音为「meokbang」，意思睇番张餐牌内页就知，识小弟嘅朋友都知我一向撑广东话（写文更尽量唔会又中又英），如果以广东话读番𠮶两个韩文字，同「茂炳」个音几相近，所以，今晚难得两位朋友陪小弟依个「茂炳」嚟食韩烧，真喺赏心悦「炑」。
餐厅地方颇大，枱与枱之间都几有距离感，感觉阔落，有4人圆枱，有4人卡位，亦有可组合成嘅大长枱，人多人少嚟都可以坐埋一齐。而抽油烟喺采用上抽式，效果还算不俗，至少食完都唔会觉得一头「烟」。因为是晚闲日，客人唔多，所以，拣坐卡位，有得挨，自在好多。
萝卜、泡菜、大豆芽、木耳（免费）食韩国嘢，其一大特色就喺前菜，就算未点餐都一定会送上多款前菜，「炑八」都唔例外，先上嘅4款前菜，包括：大豆芽、木耳、萝卜片及韩式泡菜，几款前菜都各有个性，做得唔错，而萝卜片最得小弟欢心，因为以酸醋腌渍，清爽酸香，除净食，更用嚟夹烤肉，平衡一下油腻最好不过。更开心嘅喺，所有前菜都欢迎无限添加，实在大方。
免费前菜：萝卜、泡菜、大豆芽、木耳
54 浏览
0 赞好
0 留言
除有免费前菜，仲有一大碗胡麻酱沙律，确实慷慨。以清新翠绿嘅沙律菜配车厘茄，淋上胡麻酱，将胡麻酱跟沙律菜捞匀，啖啖沙律菜都有芝麻香味，简单味美嘅餐前开胃菜。
胡麻酱沙律
84 浏览
0 赞好
0 留言
此外，其他如锅类、煎饼、汤类、饭类、面类、甜品、饮品及酒水类，亦一应俱全，罗列晒出嚟，其中印有「黄色厨房帽」喺店方推介，不妨多加考虑。
为顾及有啲客人唔想伤脑筋，又想一次过试多啲嘢，几款套餐就喺懒人嘅上算提案，套餐亦好有弹性，分为2人（$468）、2-3人（$688）、4人（$868）及8人（$1680）。此外，见佢仲新推出咗两款2人份嘅顶级套餐（$520 / $590）。
边炉蛋 / 粟米芝士晌食前菜、沙律期间，店员已为我哋预备好边炉烤泡菜蛋及粟米芝士，睇见都好吸引，边炉蛋以前都食过，但粟米芝士就第一次，虽然粟米搭芝士唔喺咩新奇事，但边炉烤，都有种耳目一新嘅感觉。前者，烤蛋啱啱好，蛋身软绵绵，底部有微微焦脆，蛋香中有啲泡菜辛辣，过瘾过瘾；后者，待芝士溶得七七八八就可以食，莫沙里拉芝士拉出一丝丝「芝」味诱惑，好玩好食。
边炉蛋 / 粟米芝士
120 浏览
1 赞好
0 留言
特制护心猪肉 $128 / 200g之前都食过护心肉，不过就喺牛肉嚟，所以，见有护心猪肉，亳无疑问要试吓，基本上有原味、蒜味、辣味，我哋拣辣味贪其更惹味。咪以为200g好少，其实一碟份量都几够，足够3-4人食。
特制护心猪肉
$128
46 浏览
0 赞好
0 留言
牛肉杂锦拼盘 $458杂锦拼盘实在让人心动，一大份包括牛肋骨、牛肉眼、上肩胛肉、牛舌及牛胸肉，排列井然，最紧要喺睇落去新鲜红润有光泽，唔会喺瘀黑黑嘅劣货。全部都以原味状态示人，食嘅就喺基本肉味同质感。
牛肉杂锦拼盘
$458
48 浏览
0 赞好
0 留言
将一整条牛肋骨拉开，真喺超过成呎长，我哋都剪开3截嚟烧。牛肋骨油花唔会好多，但肉香绝对一流，而且，切得较厚身，极有咬口，小弟就较为喜欢净食，集中品尝佢嘅肉味。
牛肉眼一致认为喺成碟牛肉杂锦拼盘最抢镜嘅肉，因为，厚厚一大块牛肉眼，估计都有成16安士重，放晌烤炉上，都被佢占晒成块铁板。烤熟后为咗方便食，剪成一条条，入口啖啖肉，同样颇有肉味，又黐住啲肥膏，入口甘香。
上肩胛肉上肩押肉本身已经喺一条条，油花多而平均分布，烧好后原来入口都唔喺好油腻，口感松软，小弟就钟意配酸萝卜片食，感觉更能故出油香。
牛舌牛舌我就喜欢食厚切，因为够有咬口，薄切就变得另一番风味。由于牛舌真喺切得好薄，所以唔使烧太耐，转深色就已经可以。牛舌配酸萝卜片或包生菜食都无问题，食落仍带有牛舌独有嘅「膻味」，口感又带少许韧劲，唔客气都食多几片。
牛胸肉有啲似烟肉嘅样，脂肪亦比较多，一路烧就一路逼出唔少油份，所以，不得不夹住生菜食。因为薄身缘故，肉味唔会话好强，油脂又比较多，但肉质软腍。
生蚝 $88 / 6只唔知喺餐牌幅图搞错，定喺啲字打错，总之，送到上枱嘅生蚝就喺跟幅图一样有8只。烧生蚝都喺第一次，之前烧过嘅喺连壳，较易处理，今次则有啲难，因为易黐底，最好留番少少牛肉眼啲肥膏当「起镬」用，烤蚝就无咁易黐。蚝味算喺不俗，亦挺鲜甜，算抵食。
生蚝
$88
44 浏览
0 赞好
0 留言
鲜带子 $168 / 8只另一款海鲜就拣咗鲜带子，又喺唔连壳，烤带子记紧留番少少肉眼或牛胸肉啲肥膏，咁煎出嚟嘅带子就更金黄香口，而带子嘅质感十分爽口，滋味满足。
鲜带子
$168
44 浏览
0 赞好
0 留言
泡菜牛肉熔岩炒饭 $128虽然唔喺店家嘅厨师推介，但睇唔少人嘅食评都推介食道菜，单喺个即场制作过程已非常吸引。橙红色嘅泡菜牛肉炒饭放晌铁板上，热辣辣嘅铁板，放入大量莫沙里拉芝士碎，再倒蛋浆，快手快脚拌匀即成，哗！每口饭既有点点泡菜辛辣，又有芝士嘅浓香，饭粒圆润烟糯，的确值得一试，不过，牛肉粒得好少，少到都唔觉有食到。
菠萝梳打 $32饮韩烤点可以唔饮住啲冰冻嘢饮点得，除餐厅提供嘅冰水，梳打好啱小弟，梳打有3款口味：菠萝、士多啤梨、柚子柠檬，哈哈，小弟较钟情菠萝多啲啫。其实喺梳打水加入菠萝糖浆同罐头菠萝粒嘅成品，唔会抱有期望，只求一刻凉快就已足够。
菠萝梳打
$32
44 浏览
0 赞好
0 留言
食咗咁多烤肉，除饮住冻饮，最直接又即时嘅降温大法当然来一害韩冰啦，店家有提供多款韩式冰沫：豆粉红豆、Oreo朱古力、士多啤梨、宇治金时、纯．Oreo共5款。我哋简简单单拣咗最基本嘅豆粉红豆冰沫，堆到成座山一大碗嘅冰沫洒满黄豆粉，又加入大量红豆蓉、杏仁片及麻糬，冰沫刨得非常幼细，红豆又清甜，麻糬烟韧有嚼劲，配合埋脆脆嘅杏仁片，为今餐划上满足又称心嘅句号。
炑八豆粉红豆冰沫
$48
60 浏览
0 赞好
0 留言
综观今晚所试嘅食物，对其质素不容置疑，不过，唔知喺咪新店，加上好多店员都好后生，服务比较生手，有时仲有啲手足无措，希望啲后生仔努力啲，可以尽快上手，他日变得刮「炑」相看。张贴
