東京食堂 (已結業)

东京食堂系朋友极力推介既小店，佢既位置系大厦既天井位，比较难揾。不过唔好睇佢舖位细细，估唔到平时唔多钟意食鳗鱼饭既我，竟然会爱上呢间小店既鳗鱼饭。佢地既鳗鱼定食，份量适中，唔会话太多饭，并冇食到最后冇𩠌捞饭既情况出现。首先要讲讲片鳗鱼，佢既骨唔多，好容易食，而肉质都好鲜美，配合埋鳗鱼汁，令到成个菜式既味道生色不少。系鳗鱼旁边有粟米粒做配菜，捞埋鳗鱼汁一齐食，真系开胃到可以食多碗饭。定食仲有冻豆腐同埋面豉汤，个豆腐有麻酱调味，味道唔会太淡，面豉汤就比起其他餐厅稍为冇咁重口味，所以唔会掩盖左主角鳗鱼既味道。另外我地仲叫左饺子鸡翼，同埋烧牛舌，两样小食都好足料，味道口感都属一流。我觉得难得仲有小店咁用心做饮食，而且又咁好味，所以点都要支持下。