星橋居酒屋

营业中

休息中

之前去中环行街，行得攰攰地就想揾个地方食个晚饭。我哋就去咗「星桥居酒屋」。餐厅有Regular 嘅Menu之外，仲有每日唔同嘅时令食物，写喺黑板到。帆立贝刺身、鲍鱼刺身：帆立贝刺身非常鲜甜、完全唔会有雪味、而且切好后。鲍鱼刺身食落去似有少少腌咗，都好鲜甜。炸鸡软骨：唔会太油、炸得好香脆，不过觉得份量有啲少。炙烧拖罗蓉赤身卷：寿司卷入边包咗赤身，而上边铺咗满满嘅拖罗蓉。本身都有调味，所以可以唔需要点豉油。好新鲜完全冇腥味。野菜天妇罗：同平时食开嘅野菜天妇罗好唔同，除咗正常嘅茄子同菇之外，仲有炸京葱、洋葱等等。虽然我个人比较钟意食传统嘅野菜天妇罗，不过我都几特别。而且炸得好香脆、一啲都唔油腻。三文鱼牛油果沙律：三文鱼嘅份量超级多、加咗少少沙律酱芝麻酱、调味几特别，而且好开胃。