Artisan Lounge (已結業)

晚上8点，晚饭后想买甜品返屋企食，就拣咗两件cake, $78一件，非常平凡，而且唔觉得好味，只可以话唔难食。但重点系𠮶位四眼女士职员嘅态度，非常唔耐烦，张收据拎迟啲都问「张单你要唔要呀」，跟住佢去折盒，但系两件cake我想分开装，所以我同佢讲如果有纸袋，分开入就得 唔使盒，佢答「我哋无纸袋㗎㖞」，又系好唔耐烦，其实我都系想方便啲环保啲啫，我用$156蚊买两件味道非常平凡嘅蛋糕，再要受佢唔耐烦嘅语气+唔耐烦嘅眼神+唔耐烦嘅咀脸，只能说非常唔值得。