COCOMO (已結業)

是日系圣诞节，一家人黎到Cocomo食餐好既，正正因为系圣诞节，平时有既平价食物今日都无，只有圣诞MENU，不过都唔系贵过平时好多啫。今日每个餐都有南瓜忌廉汤，面包，沙律，主菜同埋饮品。南瓜忌廉汤好creamy，用料恰当，面包每人仲有3款，设计有创意，热辣辣咁上碟，最好食系个牛角包，又香又松软。烧汁香葱鸡肉蛋包饭: 蛋包饭卖相都几好，但系味道比较淡，汁亦都唔太够，焗海鲜饭(忌廉汁): 饭既海鲜好足料，有虾，青口，鱿鱼等等，用忌廉汁亦都非常配合，加左少少芝士，味道淡淡地唔太浓亦唔太腻，整体来说, 份量好足，整体配搭唔错。广岛蚝肉蕃茄意粉: 意粉口感弹牙,  蚝肉细细粒，份量唔多，混左系意粉里面，无咩雪藏味，酱汁仲好重蕃茄味，好好味。食完主菜之后仲有咖啡或茶，之前试过呢到D咖啡，觉得唔错，所以今次都系拣返咖啡。