影片
更多
2008-12-25
27 浏览
24-12-2008当大部分人都因为要「应节」, 自愿「进贡」多几旧水去西餐厅 / hotel buffet 食环境食气氛兼同人迫餐懵, 我屋企就因为太钟意食海鲜又太数口精 (?), 年年 Christmas Eve 一定去中菜馆食海鲜, 真系反高潮 今年一行 5 人选择布袋澳, 主要因为阿妈同事介绍呢间「抵食」, 而且连阿爸都从未驾车入过去, 当入去行0下啦:- 豉椒炒蛏子: 我0既至爱, 呢度的亦做得好食 -- 蛏子极爽脆鲜甜, 加埋辣辣0地的豉椒汁, 劲正!- 椒盐濑尿虾: 椒盐落得都几重手0下, 味道咸0左 d; 濑尿虾本身虽然无乜羔, 但够晒肉地, 食落仍然鲜甜, 好食.- 清蒸鲍鱼仔: 弹牙, 不过鲜味度一般, 有 d 擦胶 feel...- 清蒸羔蟹: 蒸得太耐了, d 羔系顶晒角, 但食落好硬好硬; 蟹肉就鲜甜又够实, 都几好食.- 蒜蓉粉丝蒸象拔蚌: 象拔蚌爽口鲜甜, 不过最好食当然又系 d 索满蚌汁又沾满蒜蓉的粉丝, 我好唔客气地食了两只!- 白灼虾: 要了中虾, 肉质结实爽甜; 个头就劲「黑」, 唔敢食, 可惜.- 仲有碟蒜蓉炒白菜仔: 油水够,
当大部分人都因为要「应节」, 自愿「进贡」多几旧水去西餐厅 / hotel buffet 食环境食气氛兼同人迫餐懵, 我屋企就因为太钟意食海鲜又太数口精 (?), 年年 Christmas Eve 一定去中菜馆食海鲜, 真系反高潮 今年一行 5 人选择布袋澳, 主要因为阿妈同事介绍呢间「抵食」, 而且连阿爸都从未驾车入过去, 当入去行0下啦:
- 豉椒炒蛏子: 我0既至爱, 呢度的亦做得好食 -- 蛏子极爽脆鲜甜, 加埋辣辣0地的豉椒汁, 劲正!
- 椒盐濑尿虾: 椒盐落得都几重手0下, 味道咸0左 d; 濑尿虾本身虽然无乜羔, 但够晒肉地, 食落仍然鲜甜, 好食.
- 清蒸鲍鱼仔: 弹牙, 不过鲜味度一般, 有 d 擦胶 feel...
- 清蒸羔蟹: 蒸得太耐了, d 羔系顶晒角, 但食落好硬好硬; 蟹肉就鲜甜又够实, 都几好食.
- 蒜蓉粉丝蒸象拔蚌: 象拔蚌爽口鲜甜, 不过最好食当然又系 d 索满蚌汁又沾满蒜蓉的粉丝, 我好唔客气地食了两只!
- 白灼虾: 要了中虾, 肉质结实爽甜; 个头就劲「黑」, 唔敢食, 可惜.
- 仲有碟蒜蓉炒白菜仔: 油水够, 炒得腍身, 0岩晒席上老人家.
食到样样都清碟, 其实都饱了 80%, 但见 $7 碗「根记糖水」款式几对口味, 又每人一碗试试.
我拣了白果腐竹, 腐竹煲到溶晒, 卖相如豆浆, 配上粉粉软软的白果及烟烟韧韧的薏米, 又香又滑, 而且甜度刚好, 正! 呢度的做得不比九龙城地茂馆 (http://www.openrice.com/restaurant/photos.htm?shopid=3565&photoid=91253) 差, 值得试0下!
另外仲叫了椰汁西米露, 蕃薯糖水及雪耳炖木瓜, 唔知好唔好食?
环境带点地 mou, 比想像中干净, 虽然阴风阵阵, 但坐0系帐篷下又唔会觉得太冻, 好舒服; 阿姐阿叔们有求必应, 招呼 ok.
埋单每人约 $270, 比想像中贵, 但比呢度 (http://www.openrice.com/restaurant/commentdetail.htm?commentid=1868456) 好食好多, 都可以接受的. 下次 (Christmas Eve 2009?) 0黎的话, 会试砵酒蚝, 上汤焗龙虾, 油盐水大白蚬, 豉油皇煎花竹虾... etc etc.
张贴
