泰式燒王 (已結業)

一早就book咗位，所以圣诞节晚同男友大人去会一会，大概6:3x左右到达，只有一两枱疑似泰籍人士嘅熟客，而我哋被安排坐喺开放式门口位，当晚都几冻吓，不过一饮咗个冬阴公汤成个人都暖晒，个汤有少少偏甜，好浓好香，汤内虾肉质爽甜，虾头爆膏，好滋味。男友大人话泰式生虾冇虾味，好一般，而且蒜片只得一两片，讲真唔够蒜片夹埋一齐食，感觉真系差啲~ 一直期待嘅白灼蛳奄就又鲜又甜又多汁(血水)，唔会太熟到硬的的(其实应该系半生熟)，我就食唔停口，但系男友大人话系鲜同腥之间㖞，不过我个人就觉得超好味啦! 冇期望嘅虾饼反而超好味，因为一入口就知佢冇加面粉之类嘅嘢，啲虾肉弹牙而且比较粗粒，明显只有虾肉，又香脆又满口虾肉香味。差不多7:xx，人开始越嚟越多....食到七七八八嘅我哋难逃被赶嘅命运，就系无嗱咩咩送张bill嚟...... 小店一贯作风...所以搅到我同大人急急咁饮埋𠮶半支啤酒.....走人~