影片
更多
2021-12-31
554 浏览
-🦄友乐鮨-おまかせ Hkd1180 / Hkd1300Overall Rating🌕🌕🌕🌗🌑-圣诞节本身打算Book吓啲X’Mas Buffet点知 真系打匀晒比全香港嘅酒店都Full Booking好夸张唔系讲笑 大家都为呢个圣诞节做足准备-于是我转战食Omakase 呢间餐厅较早前已被我收藏有一种比较隐世嘅感觉 唔算系一间好出名嘅餐厅但系大部分嘅评价都系性价比极高 真心想试试佢-当日我哋分别叫咗一个平嘅一个贵嘅套餐 试哂两款分别在于 贵嘅套餐会多咗两款刺身同埋一品料理价钱唔系差好远 其实1300$都值得一试 唔系贵好多-♦️时令前菜三款-本日の前菜▪️Rating🌕🌕🌕🌗🌑-好开心我一早打电话去预留咗白子 就有得食白子虽然只系小小嘅一口 但系胜在好新鲜好Creamy我爸因为我而被逼食咗一份白子 虽然佢唔钟意😏不过佢形容为豆腐花 其实呢个形容都几贴切呀另外仲有海参同埋𩽾𩾌鱼肝 海参我系第一次食我几钟意 因为佢似冰头渍 配埋个汁食好开胃𩽾𩾌鱼肝略嫌佢腥咗啲 不过口感都嫩滑好食如果唔系预留咗白子 唔知原本嘅前菜会系咩呢-♦️岩手县真蚝-牡蛎🦪▪️Rating🌕🌕🌕🌗🌑生蚝嘅Size一般 唔算话
🦄友乐鮨
-
おまかせ Hkd1180 / Hkd1300
Overall Rating🌕🌕🌕🌗🌑
-
圣诞节本身打算Book吓啲X’Mas Buffet
点知 真系打匀晒比全香港嘅酒店都Full Booking
好夸张唔系讲笑 大家都为呢个圣诞节做足准备
-
于是我转战食Omakase 呢间餐厅较早前已被我收藏
有一种比较隐世嘅感觉 唔算系一间好出名嘅餐厅
但系大部分嘅评价都系性价比极高 真心想试试佢
-
当日我哋分别叫咗一个平嘅一个贵嘅套餐 试哂两款
分别在于 贵嘅套餐会多咗两款刺身同埋一品料理
价钱唔系差好远 其实1300$都值得一试 唔系贵好多
-
♦️时令前菜三款-本日の前菜
▪️Rating🌕🌕🌕🌗🌑
-
好开心我一早打电话去预留咗白子 就有得食白子
虽然只系小小嘅一口 但系胜在好新鲜好Creamy
我爸因为我而被逼食咗一份白子 虽然佢唔钟意😏
不过佢形容为豆腐花 其实呢个形容都几贴切呀
7 浏览
0 赞好
0 留言
另外仲有海参同埋𩽾𩾌鱼肝 海参我系第一次食
我几钟意 因为佢似冰头渍 配埋个汁食好开胃
𩽾𩾌鱼肝略嫌佢腥咗啲 不过口感都嫩滑好食
如果唔系预留咗白子 唔知原本嘅前菜会系咩呢
-
♦️岩手县真蚝-牡蛎🦪
▪️Rating🌕🌕🌕🌗🌑
8 浏览
0 赞好
0 留言
生蚝嘅Size一般 唔算话超级大只好夸张嘅大小
口感上偏向结实 结实得嚟会有少少Creamy🤣
但又未去去到好软绵绵入口即溶嘅感觉 你懂的
生蚝嘅蚝味颇重 海水味就一般 口感味道都新鲜
面头上嘅酸汁啫喱 个人觉得可以再加多少少🤏🏻
-
♦️石垣鲷-イシガキダイ
▪️Rating🌕🌕🌕🌕🌑
7 浏览
0 赞好
0 留言
来自九州南部鹿儿岛县 有住梦幻之鱼嘅称号
好钟意佢白白地又粉嫩嘅颜色 果然系好梦幻
口感偏向结实 味道鲜甜 但系食落唔会好油腻
同时唔会觉得佢油脂感好丰富 系比较清爽嘅口味
配上师傅调嘅酸汁食 系比配上豉油食嘅更加好嘅
-
♦️活北寄贝-ホッキガイ
▪️Rating🌕🌕🌕🌕🌑
-
唔使多介绍 活北寄贝够新鲜 同时又爽口弹牙
只系食到佢嘅鲜味 同埋爽弹嘅贝类口感 我钟意
活北寄贝 我真系多多都食得落 鲜甜又好味😋
-
♦️深海池鱼-缟鯵
▪️Rating🌕🌕🌕🌑🌑
-
好似好耐都无食过厚切嘅深海池鱼 呢个真心厚架
因为佢有返咁上下厚度 所以口感较丰富饱满同满足
深海池鱼一向有几好食 我就唔长气唔多讲啦hehe…
不过有啲可惜嘅系 我呢块池鱼好似食到有啲筋😮💨
无奈地 或多或少都会影响到个口感 扣少少分咁啦
-
♦️𫚕鱼-ぷり
▪️Rating🌕🌕🌕🌕🌑
-
呢块𫚕鱼比起上一块深海池鱼更加厚切 好夸张
我食嘅时候真系心谂 死啦今次实肥死喇 咁厚㖞
好似啖啖都系脂肪咁…睇吓佢嘅粉嫩同埋脂肪分布
其实都系因为我唔食拖罗 所以师傅先比𫚕鱼我
虽然佢油脂感十分之丰富 但系同时又多一点清爽
我相信如果佢经过炙烧 啲油迫哂出嚟就真系…爽死
-
♦️大拖罗-大トロ
▪️Rating🌕🌕🌕🌕🌗
4 浏览
0 赞好
0 留言
一大片厚厚嘅 好粉嫩嘅大拖罗 经师傅炙烧
然后再用火枪烧过嘅脆卜卜嘅紫菜包住佢😜
即系一块新鲜嘅紫菜 再包埋一块正方形嘅油脂
呢种口感…我真系讲唔出 只知道我爸话好好食
因为我唔食拖罗 所以无缘品尝到呢份幸福感啦
-
✔️1300$嘅套餐会多咗两款刺身 分别系帆立贝
✔️同埋牡丹虾 帆立贝我有食到1/2块 唔错🥰
✔️食得出佢嘅鲜甜 好似即开即摆入口嘅感觉
-
🔹寿司五款-お寿司五贯
▪️Overall Rating🌕🌕🌕🌗🌑
-
♦️针鱼寿司
▪️Rating🌕🌕🌕🌑🌑
3 浏览
0 赞好
0 留言
第一贯寿司先嚟口感比较弹牙 味道清爽嘅针鱼
针鱼摆喺第一贯 其实系几适合 主要食佢嘅鱼鲜味
唔需要点太多酱汁豉油 唔系会盖住咗佢嘅味道
油脂感唔系太重 好清爽 似啫喱般嘅针鱼寿司
-
♦️蜜柑鲷寿司
▪️Rating🌕🌕🌕🌗🌑
0 浏览
0 赞好
0 留言
平时鲷鱼都食得多 蜜柑鲷我都睇人食得多
今次终于到我食 唔知大家知唔知蜜柑鲷是什么
蜜柑鲷平时食嘅鱼饲料中 加入咗蜜柑果皮
所以我哋细心品尝 会食到淡淡嘅蜜柑香气
特别系鲷トロ嘅蜜柑香气最重 不过呢件唔系腩位
其实就咁睇 蜜柑鲷嘅色泽真系好靓 少少粉嫩
入口口感颇为爽口 一啲鱼腥味都唔会有
蜜柑鲷 就咁听个名 都几少女 好啱我口味
-
♦️金目鲷寿司
▪️Rating🌕🌕🌕🌑🌑
1 浏览
0 赞好
0 留言
金目鲷寿司 我最钟意食嘅寿司之一
如果系炙烧就好啦 好想食到佢油脂感爆发嘅一刻
而家咁样嘅金目鲷 十分之新鲜又爽口弹牙
鱼肉鲜嫩 而且油脂含量唔算好劲 入口好舒服
-
♦️赤贝寿司
▪️Rating🌕🌕🌕🌗🌑
-
主要食到呢件赤贝好新鲜 爽口弹牙 好嫩
好易咬开 食到赤贝独特嘅贝味及纹路 唔错
如果钟意食贝类寿司嘅话 食到佢会几满足
-
♦️海胆寿司
▪️Rating🌕🌕🌕🌗🌑
4 浏览
0 赞好
0 留言
重头戏嚟到最后就系呢件海胆寿司 佢有啲特别
平时食开嘅Omakase多数都系紫菜包住海胆
师傅会摆放系手上比你慢慢品尝 不过呢度唔系
-
如果系1180嘅餐就会用小碟子上 无紫菜包住
饭同海胆嘅比例刚刚好 海胆好鲜甜好好味
-
如果系1300嘅餐都会有海胆 不过系用杯上
变咗海胆杯 仲会另外加啲富山县嘅白虾
我个人觉得两者分别唔大 因为主角系海胆
只系如果海胆嘅份量可以多返啲就更加好啦
-
〰️寿司饭有先调味 我全程无点过豉油
〰️饭量我觉得刚好 唔需要要求师傅减饭
-
♦️清酒煮北海道赤鲍鱼
▪️Rating🌕🌕🌕🌗🌑
0 浏览
0 赞好
0 留言
1180嘅餐先有嘅鲍鱼料理 个人觉得几好食 唔错
鲍鱼爽口弹牙 一啲怪味都无 鲍鱼好好咬 好鲜
下面仲配咗一口饭 变咗鲍鱼寿司 仲有鲍鱼肝添
师傅用鲍鱼肝制成鲍鱼肝酱 配饭配鲍鱼食一流
个酱其实几鲜 个人感觉佢仲有少少🤏🏻邪恶添
-
♦️蟹肉蟹膏手卷
▪️Rating🌕🌕🌕🌕🌑
0 浏览
0 赞好
0 留言
因为我本人唔食拖罗 所以师傅转咗蟹肉比我
蟹肉再加蟹膏嘅料做成手卷 蟹同饭嘅比例刚好
蟹膏好Creamy 但系味道唔算十分之浓郁
蟹肉份量都多 不过可以更多 整体而言几好食
-
♦️蟹肉茶碗蒸
▪️Rating🌕🌕🌑🌑🌑
0 浏览
0 赞好
0 留言
个人觉得呢个茶碗蒸其实麻麻地 唔啱我口味
虽然佢几大碗 而且蟹肉嘅份量好多 好鲜
不过佢一啲蛋味都无 整体味道好清淡好稀
就算系普通蒸蛋都会有蛋味 何况呢个系蟹肉蒸蛋呢
所以 真心 个人对呢个茶碗蒸有少少失望 伤心
-
♦️时令清汤
▪️Rating🌕🌕🌗🌑🌑
0 浏览
0 赞好
0 留言
卖相好靓 相信系熬咗好耐嘅鲜鱼汤
配上豆腐同埋本菇 味道有少少🤏🏻腥
鱼嘅味道唔算好浓 但系饮到热汤暖胃好幸福
-
♦️一品料理-鳗鱼天妇罗
▪️Rating🌕🌕🌕🌗🌑
-
1300嘅餐先会有嘅一品料理 当日系鳗鱼天妇罗
一品料理日日都唔同 之前曾经见过人哋食和牛
不过我哋个日就系食天妇罗 炸粉好薄好脆
平时食开用鳗鱼汁嘅味道 天妇罗都系第一次食
鱼肉好鲜嫩 变成天妇罗都一啲唔油腻
配埋佢附上嘅汁格外鲜甜同埋好食 味道唔错
-
♦️甜品-芝麻雪糕/柚子雪糕
▪️Rating🌕🌕🌕🌕🌑
-
同场加映 当日Omakase嘅甜品 系雪糕呀
有柚子 芝士同埋芝麻三只口味 不过因为限制
出唔到相比大家睇 只能说佢哋真系好好食
特别系芝麻味 好香浓 芝麻味好香好吸引
柚子味就好开胃好清新 两只味都唔错
雪糕口感软滑 不过如果要简 可能芝麻味会正啲
-
成餐Omakase食咗大约2小时松啲 食得好轻松
一路食嘅时候 店员周不时会嚟介绍同斟茶
-
不过整体嚟讲 如果比我简 我谂食1180嘅餐
无咗呢个鳗鱼天妇罗 但系有鲍鱼 都几好呀
-
P.s.其实我好钟意食Omakase啲渍物 我系秒清哂
特别系佢个蒜头 真心世一 唔知有无人同我一样
幻想如果我一清哂 师傅就即刻补给比我就好了🤓
-
张贴
