一風堂 (朗豪坊) (已結業)

难得准时放工，朋友又OT中，我就四围行下，顺便买圣诞礼物。行下行下，朋友建议食拉面，我就行去拎定飞等朋友仔。拎咗飞等齐人先可以入座，等多二十分钟终于齐人入得。我系第一次食一风堂，但系佢哋唔系第一次，所以对我嚟讲好似发现新大陆咁。芥末牛油果虾：我超钟意芥末，芥末和沙律酱调配，令芥末保留芥末口味但无攻鼻。炸鱿鱼：爽滑弹口，脆身不厚粉。凉瓜虾春卷：唔苦㗎，唔通日本啲苦瓜冇咁苦？一口窝贴：又系我至爱之一，多汁美味，姜蓉同葱可以少番啲。我碗面（唔记得个名）：其实都饱饱地，应该叫个细嘅。面我点咗soft，刚刚好，汤底有些黑蒜油，浓郁野味；义烧入味而且软。最后朋友仔话要食甜品，虽然我哋个个话饱到上心口，顺下意，叫咗两份海盐红豆雪糕，雪糕同红豆好夹，中和甜味。