一風堂 (朗豪坊) (已結業)

難得準時放工，朋友又OT中，我就四圍行下，順便買聖誕禮物。行下行下，朋友建議食拉麵，我就行去拎定飛等朋友仔。拎咗飛等齊人先可以入座，等多二十分鐘終於齊人入得。我係第一次食一風堂，但係佢哋唔係第一次，所以對我嚟講好似發現新大陸咁。芥末牛油果蝦：我超鐘意芥末，芥末和沙律醬調配，令芥末保留芥末口味但無攻鼻。炸魷魚：爽滑彈口，脆身不厚粉。涼瓜蝦春卷：唔苦㗎，唔通日本啲苦瓜冇咁苦？一口窩貼：又係我至愛之一，多汁美味，姜蓉同蔥可以少番啲。我碗麵（唔記得個名）：其實都飽飽地，應該叫個細嘅。麵我點咗soft，剛剛好，湯底有些黑蒜油，濃郁野味；义燒入味而且軟。最後朋友仔話要食甜品，雖然我哋個個話飽到上心口，順下意，叫咗兩份海鹽紅豆雪糕，雪糕同紅豆好夾，中和甜味。