影片
更多
2022-12-31
266 浏览
【圣诞薄饼大餐🎄✨】今年圣诞想食大餐 于是同屋企人决定食位于铜锣湾好出名嘅Jacomax（事关旧年圣诞同朋友食过 真系好好食 服务又好好 今次决定带埋屋企人一齐食好西🤣）由于无得book位 所以我地晚上7点半就到左 果然真系好多人 队郁都无点郁 我地排3人以上队伍 对面2人队好多人 排到好后 等左40分钟 到8点搭2 终于到我地 嗌餐果阵 店员仲好好记性 唔洗攞手写 就咁用个脑记 就知我地叫左咩 好犀利！正值圣诞 成间铺头都好应节 挂晒各种灯饰 圣诞树🎄遍布周围 好不热闹 店员安排我地坐系角落嘅一张台 唔好以为会好细好屈质 其实d台张张都好大张 d凳都系 坐落阔落又舒服 第一印象几好*蓝芝士苹果薄饼🧀️🍎🍕 $178呢个系招牌pizza 个个黎都会食 开头闻落真系觉得有d臭 但食落会发现呢个组合好得意 同埋排队果阵 见到店员制作薄饼 系即嗌即整 卖点 诚意十足 够晒新鲜 蓝芝士有好浓郁嘅芝士味 有小小臭 配埋削成薄片嘅苹果 摆落口会有种好refresh嘅感觉 口感唔会觉得好济 令人停唔落口 *炸鱿鱼🦑 $88呢个都好多人推荐 鱿鱼大大旧 炸得酥脆 个人好钟意食 不过屋企人可能食唔惯 感觉
今年圣诞想食大餐 于是同屋企人决定食位于铜锣湾好出名嘅Jacomax（事关旧年圣诞同朋友食过 真系好好食 服务又好好 今次决定带埋屋企人一齐食好西🤣）由于无得book位 所以我地晚上7点半就到左 果然真系好多人 队郁都无点郁 我地排3人以上队伍 对面2人队好多人 排到好后 等左40分钟 到8点搭2 终于到我地 嗌餐果阵 店员仲好好记性 唔洗攞手写 就咁用个脑记 就知我地叫左咩 好犀利！
正值圣诞 成间铺头都好应节 挂晒各种灯饰 圣诞树🎄遍布周围 好不热闹 店员安排我地坐系角落嘅一张台 唔好以为会好细好屈质 其实d台张张都好大张 d凳都系 坐落阔落又舒服 第一印象几好
*蓝芝士苹果薄饼🧀️🍎🍕 $178
呢个系招牌pizza 个个黎都会食 开头闻落真系觉得有d臭 但食落会发现呢个组合好得意 同埋排队果阵 见到店员制作薄饼 系即嗌即整 卖点 诚意十足 够晒新鲜 蓝芝士有好浓郁嘅芝士味 有小小臭 配埋削成薄片嘅苹果 摆落口会有种好refresh嘅感觉 口感唔会觉得好济 令人停唔落口 *炸鱿鱼🦑 $88
呢个都好多人推荐 鱿鱼大大旧 炸得酥脆 个人好钟意食 不过屋企人可能食唔惯 感觉食落比较多生粉 有粉嘅味道 不过我又食唔出 仲觉得好有饱腹感 *香烤黑椒鸡翼 🐔 $58
屋企人好钟意食佢地嘅鸡翼 觉得好新鲜 肉质很嫩滑 咬落烟烟韧韧 有嚼劲 唔会觉得似冰鲜或者唔新鲜嘅鸡翼 甚至觉得系食过最好嘅鸡翼 黑椒嘅存在都唔会完全盖住鸡嘅味道 值得推荐！*义大利妈妈教落煮嘅青酱汁配大虾车厘茄粗意粉🦐🍝 $158
呢个系我食过最好食嘅意粉 本身份人好怕济 但呢个完全唔会 就算有好浓郁嘅青酱汁 同埋个名好得意 真系好长 但你会记得 d虾大大旧 咬落爽口又弹牙 车厘茄都大大粒 配埋充满青酱汁加浓郁芝士嘅粗意粉 酸酸甜甜 又令人唇齿留香 食完仲想食！ 
⭐️味道：⭐️⭐️⭐️⭐️⭐️
⭐️环境：⭐️⭐️⭐️⭐️⭐️
⭐️服务：⭐️⭐️⭐️⭐️⭐️
⭐️卫生：⭐️⭐️⭐️⭐️⭐️
⭐️抵食：⭐️⭐️⭐️⭐️
📍地址：Jacomax (铜锣湾)
铜锣湾渣甸街50号渣甸中心地铺（港铁铜锣湾站F1出口）
张贴
