有口福 (已搬遷) 新店位置

今日圣诞节，普天同庆，一街都系人，间间西餐厅都爆晒棚，本住人弃我取嘅精神，今晚决定食鸡煲过圣诞。平时呢度好难揾位，系趁今晚先BOOK到枱。清炒莴笋丝$58朋友仔未齐人，先点个莴笋丝顶肚。呢样嘢好多川菜舖都有，但真系易做难精。莴笋丝未熟透，偏咸同油腻，知错喇，下次唔敢再叫😥脆椒鸡软骨$78特式小菜，将红椒油炸到脆身，食落似薯片咁脆，鸡软骨惹味，送酒一流。👍麻辣鸡煲$268今日嘅主角。鸡件啖啖肉，非常鲜嫩，汁底惹味浓郁，而最惊喜系竟然用青瓜条做配料，青瓜完全吸收晒鸡煲嘅精华，而且皮爽肉甜，简直系绝配！鸡煲汤底正，连随后加汤用嚟打边炉都一样出色。