影片
更多
2023-04-27
111 浏览
复活节大家都周围飞，返到黎紧系要约朋友见吓交换手信😚 大家返到黎都想倾下计catch up吓，所以专登揾啲坐得舒服又唔太嘈嘅餐厅～ 之前就去坐观塘一间楼上西餐厅登堂 Downtown🤩🌃 环境 (4/5)登堂喺观塘The Wave里面，离观塘站大概4-5分钟路程，唔算太远～ 餐厅占咗二楼全层，地方好大好阔落🤩 餐厅设计简约又时尚，以木色，金色同深蓝色做主调，感觉摩登得黎又有质感💙由于餐厅够大，座位空间都几大，有好多梳化位，好适合三五知己坐喺度慢慢食饭倾计😗😋 食物 (3.8/5)🍟 芝士薯条配松露蛋黄酱 $88🍣 苏格兰三文鱼柳 $258🍝 澳洲和牛面颊肉酱．温泉蛋．手造阔带面 $168🥂 Proseco $52/gls登堂嘅menu都几多元，无论小食，pizza，pasta定main course都有几多选择😆 口痕痕就嗌咗个芝士薯条配松露蛋黄酱🍟 薯条用个点心蒸笼装住，份量好多又几得意😆 餐厅用嘅系幼薯条，炸得够热够香脆，面头铺上parmasan cheese碎，蘸埋松露蛋黄酱超邪恶😈苏格兰三文鱼柳超有惊喜😍 三文鱼柳用咗西日fusion嘅烹调方法🇯🇵 三文鱼大大旧好厚肉，表皮烤得
🌃 环境 (4/5)
登堂喺观塘The Wave里面，离观塘站大概4-5分钟路程，唔算太远～ 餐厅占咗二楼全层，地方好大好阔落🤩 餐厅设计简约又时尚，以木色，金色同深蓝色做主调，感觉摩登得黎又有质感💙
由于餐厅够大，座位空间都几大，有好多梳化位，好适合三五知己坐喺度慢慢食饭倾计😗
😋 食物 (3.8/5)
🍟 芝士薯条配松露蛋黄酱 $88
🍣 苏格兰三文鱼柳 $258
🍝 澳洲和牛面颊肉酱．温泉蛋．手造阔带面 $168
🥂 Proseco $52/gls
登堂嘅menu都几多元，无论小食，pizza，pasta定main course都有几多选择😆
口痕痕就嗌咗个芝士薯条配松露蛋黄酱🍟 薯条用个点心蒸笼装住，份量好多又几得意😆 餐厅用嘅系幼薯条，炸得够热够香脆，面头铺上parmasan cheese碎，蘸埋松露蛋黄酱超邪恶😈
苏格兰三文鱼柳超有惊喜😍 三文鱼柳用咗西日fusion嘅烹调方法🇯🇵 三文鱼大大旧好厚肉，表皮烤得脆卜卜，肉质唔会过老，加埋三文鱼籽好精致🍣 三文鱼底下垫咗吸满日式高汤嘅大根，好甜而且无根😛 最特别系用日式高汤熬制而成嘅忌廉汁🥰 味道偏甜但又唔会好怪，淋喺三文鱼柳上面有画龙点睛之效🤩
最后仲嗌咗个pasta🍝 手造阔带面出面比较少见，有差唔多成只手指咁阔，几特别～ 阔带面质感偏薄，食落都有口感同几饱肚🤣 澳洲和牛面颊肉酱真系食到牛肉粒，不过个人略嫌味道较但，如果再浓味啲就正🤪
最后当然唔少得酒啦🥂 就算过咗happy hour，佢哋嘅proseco/红白酒都系$52蚊，超抵饮🤩🥂 我哋就嗌咗两杯proseco chill吓，好清爽😚
💰 价钱 (4/5)
Average price $300/pp
登堂环境舒服，食物选择多元而且味道都唔错，连酒水加一每人都系大约$300，价钱合理👍🏻 推荐大家带三五知己黎聚会😗
张贴
