樂園 (已搬遷) 新店位置

因为同朋友聚会嘅关系，就嚟到尖沙咀揾嘢食。为咗唔想同人哋迫，所以我哋决定去一啲楼上嘅咖啡室。朋友就带咗去呢一间位于环球商业大厦2楼嘅乐园。呢度唔算好大，但胜在气氛几好。都见到有几台有10几人嘅朋友聚会。周围都摆咗好多卡game，有deal,要有啤牌，有过三关等等，系一个聚会倾计嘅好地方。我哋嚟到都已经好肚饿，所以就即刻叫嘢食。我叫左香煎牛柳粒饭配黑椒汁，＄128，朋友就叫咗烟腩蛋黄忌廉扁意粉，＄128。香煎牛柳粒煎得啱啱好，好谂身，唔算油腻，牛味香浓，配上甜甜辣辣嘅黑椒汁，好惹味。估唔到呢个份量都算大，个饭都几多，另外伴碟好靓。烟腩蛋黄忌廉扁意粉好重奶油香味，意粉好爽身，烟腩都煎得好香，呢度嘅伴碟真系一赞，令人增加食欲。小食就叫咗芝士焗大啡菇，好Juicy,大啡菇好多水份，焗完亦都唔觉得干，配上芝士，有淡淡清香，好好味。饮品就叫咗乐园咖啡同埋果茶，乐园咖啡要交加＄35,不过味道唔错，好浓嘅咖啡香味，而且有几大杯。喺呢度倾返个一两个钟计都唔会闷，气氛好，而且又有游戏，的确系一个几好嘅餐厅选择。