串酒里 (已結業)

同几个好姊好聚一堂食好西吹下水，所以决定黎呢间，因为又有得食有得啤啤佢，可以畅谈既好地方。佢地最出名既手工粗口啤酒好特别，支支都唔同口味，甜酸辛辣都有，非常特显到香港既文化，呢个主题真系好贴地。点菜时间：好多选择，花多眼乱，真系样样都好想试，样样都好想点。我地都好钟意食辣，所以好多串烧都叫左麻辣鸡肉呀、麻辣鸡肾呀、火辣牛丸等等等等，火辣牛丸真系好辣呀⋯⋯但食得好刺激。鸡肉好滑，加上麻辣既口味，简直系我既至爱！烧玉子真系好厚身，外脆内滑、甜甜滑滑既玉子真系食得人好开心盐烧安格斯牛柳我个觉得点多几串都唔怕多，因为太好食啦，叫一串系唔够架，牛肉多汁嫩滑，唔会烧到好老，烧得好有水准。8吋虎虾有六种口味，我地分别叫左剁椒、冬阴公、蒜蓉同埋黑松露既口味；只只虎虾都大大只，冬阴公虾好入味啖啖肉好好食。蒜蓉扇贝都系大大只好入味，一份两只都系$52，抵食又大只，必点。仲有样都系我心中必点既烧物，就系烧蚝啦⋯⋯好在我几个好姊妹都系食蚝之人，所以我地点左烧蚝拼盘，一份9只$198；九款口味都好特别好好食，有蒜蓉、车打芝士、剁椒、黑松露、冬阴公、生蛋烧蚝、芝心都有、泰式辣汁，最特别系鱼香肉碎烧蚝；d烧蚝唔会腥