彩福皇宴 (安達中心)

营业中

休息中

朋友同我讲尖东彩福皇宴D小菜几好食，装潢又高雅，坐得又舒服，好啱晚饭聚会，今次就来试试。ㄧ去到就见到加拿大龙虾做紧推广，见价钱都合理，叫了二只上汤开边焗来试下。龙虾肉厚又鲜味弹牙，连同吸收咗龙虾鲜味的上汤伊面ㄧ起食，真系食到舐舐脷😋小食就叫咗烧腩仔，用五层肉来烧制，外皮好脆，肥瘦适中，又保存到肉汁。正!!松子沙汁蜜桃青瓜虾球，大大只炸虾球，好弹牙，沾上了沙拉汁，再夹埋蜜桃和青瓜ㄧ齐食，真系好清爽可口。巧手煎焗新会陈皮豚肉粒，炸过的豚肉粒没有油腻感，加上粒粒的陈皮ㄧ齐煎焗过，增加不少香味。黑椒京葱牛仔骨份量都大，牛仔骨嫩滑配上京葱食好惹味。榄菜肉松虾干四季豆，好惹味送饭一流。还点了ㄧ条清蒸沙巴龙趸斑，冇腍过咁大条，但都蒸得好滑。甜品就叫了原个椰皇炖燕窝，又香又甜又滑，还有ㄧ大堆燕窝在顶部，十分抵食。朋友冇介绍错，这间「彩福皇宴」都几抵食，食材又新鲜，坐得又舒服，下次一定会再来。